*أبوذيات*
أبات الليل بالحـسرات منطر
تضل عيني على البيـبان منطر
شفت خدها عبالي الفجر منطر
كَمت صليت من غــصبن عليه


حبيبي اختارك الــدلال واشراك
عجب تحفر حفر لهواك واشراك
وحكَ ال مااله إنـداد واشراك
أحبك لو تصير عذاب إليه


يكت دمعي بيابي دمى واجفى
إلي ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه


أضعضع حيلي من فركَاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه


يدنيا إشمال دولابج يناحي
ومن الصوبين كسرتي جناحي
وأنا الذاك الجنت أمر وناهي
صرت شبوط والفلتات بيه


لويت الدهر مافد يوم حنيت
وإديه من دموع العين حنيت
ييمه اوداعتج هاليوم حنيت
أوشلت نار الدمع بجفوف أديه


حبك من شفـاف القلب عتباي
ولانوبه أذكرتنا واوصلت عتباي
أعتب مانفـع وياك عتباي
على ياهي أزعـلت واقطعت بيه




كَلبي مافرح عكَـبك ولاسار
ولاجدمي خطى الغيرك ولاسار
أخبرك مابكَت جـلمه ولاسار
فضحني الدمع من غصـبن عليه
د
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه



وحق التعبده شيعه وسنه
هذوله الحرموا نومي وسنه
عليك اسيوف جردنه وسنه
علامك يلعبدت اشميت هيه


بعدني ألف وسفه الوقت عنك بعدني
أموت أو أرتجي وصـلك بعدني
أوتراني عالعهد باقـي بعدني
تراك أنت النظـر والحيل بيه


حبي إلك مافد يـــوم ينكَص
أوليش الصاحب أمن ايغيب ينكَص
زمن خل الحديد ابخشــب ينكَص
ويخلـي الماله اول بالثنيه



صب دمعي على الوجنات ياهل
أوماتدرون بيا اشصــار ياهل
صرت عصفور جني بيـد ياهل
أهـو يــلعب وانــا الجانون بيه


حبيبي دك بذرعانه ولجتاف
بضلعي جاسي اللبي ولجتاف
رضينه بحبس هداوي ولجتاف
وهي سجاني وتفتر عليه

اقتباس :

صلاح الشحماني

اقتباس :

يسلمووووووو على الموضوع المميز ومشكور على الطرح الجميل وعلى الكلمات الاجمل منور المنتدى حبوب

اقتباس :