مامرتاح صدّگ ياصديقي أرجوك
تعال نشوف ليش البينك وبيني
صرت ماتمر بيّه وأنت عندي الماي
غبت عني ورحت يالچنت ترويني
وينك آني أريدك بس أسولف بيك
شمـا عاشرت غـيرك ما ينسيني
تذكر من گلتلك أنت هاي العين ..؟؟
وإذا أنت بعـدت شلّي بنظر عيني
نعيش بزمن أغبر ناااااس تاكل ناس
وغيرك ما لگيت بدمه يفديني
لإن معدنك نادر بين هاي الناس
چنت توگف درع ضد اليعاديني
چنت أنت الأخو والأبو والصحبان
وراك تيتّمت ياهو اليسليني
يجوز غلطت آني وزاعليتك يوم
بس دمعة فراگك لسه تچويني
دعوف الراح هسه وخلنه ولد اليوم
وأبوسك من جبينك بس تراضيني
وخلينه نتصافح ننسى كل الفات
يالي بطيبك أبد ماصادفت عيني
ونرجع أصدقاء وعالعهد للدوم
لأن تدريني أعزك وأنت شاريني
//////////////////////////////