الجــات
هلا بك يا الدخل اسمك على الجات ..انا متانيك تدخل صارلي سنين
يا الصوتك موسيقى وبيه نغمات ..ابد ما مرن ببال الملحنين

انا احجي وياك من اوربا .. بذات تركتني ولا كتلي دياركم وين
كبل عندك يا غالي اثنين نكات .. اي هسه شجاهن صارن الفين
انا الكظيت عمري مكابل الجات .. وعلى السلفر احط كلبي واتانيك
انا الشمات شبعوا بيه كيكات .. يطردوني واطب بأسم ثاني
وانا الكلبي بهواك انكلب دسكات . . والف فيروس من صدك اجاني
بعد شيفيد تنظيفه الكلب مات. ..بجفاك وكل كتر بالروح فاني
شكثر دزيتلك يا اسمر بطاقات . .. ولا ايميل منك اجاني ؟؟
وك المسنجر ما بقت بعيونه دمعات . .. شكثر حزنان بجفاك ويعاني
وك كون الكلب ينشال بالجات اخليه .. بلكن يمر فلان مرة ويحاجيه
وك كون الكلب ينشال بأيميل اودية ..جاااان نزف دم وسال من تكلك عليه

حلفتلي بالعباس كالت فلا افوت. . ولا اشوفن اهل الجات منا لما اموت
كتلها وانا وياج من هسه طالع .. مادامج انتي تريدين ما عندي مانع
صدفه ادخلت للجات يا الما نسيتج.. بأسم ازرك ادخلين وادمن لكيتج ؟؟
وج ما همني 3 شهر ما نمت ليلي . . بس همني من الروم كلك تسويلي ؟؟؟؟
زين طلعت مطرود خايب انا منحوس .. فوك القهر والظيم دزتلي فيروس
فيروس اجاك وراح هم سهله هاي
خايب دزتلي عزرائيل بيده المنايا
طولة عشرة امتار بوري الاكلته
ولحد هسه راسي يدور من اثر طكته
طولة عشر امتار ومعذب الفواد
بوريي من بغداد يوصل لبغداد
طولة عشرة امتار واتعجبت بيه
بوريي ماكو ارقام تتراهم عليه

اتمنى تكون هذة القصيدة تعجبكم واتمنى منكم الردعلى الموضوع