منتديات بنات العراق,منتدى تجمع شباب وبنات العراق,منتديات بنات العراق منتديات كل العرب
 
الرئيسيةالبوابةأحدث الصورالتبادل الاعلانيالتسجيلدخول

شاطر | 
 

 ابوذيات سيزار

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
سيزار
رومــانــســي جــديــد
رومــانــســي جــديــد
سيزار

ذكر
ـالمشاركاُتٍ : 23
ــالعًمُرٍ : 39
ــاألدُوًلة : العراق
ــاألمهُنٍةٌ : طالب جامعي
تًآإرٍيِـِخٌ ـآلتًسَجٍيِلٌ : 06/03/2010
السمعة : 15471

ابوذيات سيزار Empty
مُساهمةموضوع: ابوذيات سيزار   ابوذيات سيزار Emptyالأحد مارس 07, 2010 4:21 am

أبوذيات
*اساس بعشرتي ويـاك صبيـــت
جنني الشوك وبالهوا انا صبيت
ان جان انته علية دموع صبــيت
بجيت عيــون من فركاك الــية

*احلفت مبجي على فراكك ولا انوح
وبعد ما اردد باسمك ولانوح
يوسف ما ابتلا مثلي ولا نوح
ولا يعقوب مر مثلي باذيه

*يطارش خذ كتابي وياك مره
على الخلصت حلاته وكثر مره
الكلب بجفاه ما يرتاح مره
حبيبي ويصعب غيابه عليه
(
نجمه انه بسمه شوكك واهم بيك
تهم الناس بجروحي واهم بيك
خصال الطيب ماجانت وهم بيك
واثاري المستحه البيكم سجيه

*مكاتيب اشكثر وديت ماين
عليك وزين لسه العكل ماين
انه الجنت اطب للبيت ماين
شجاك ومعلن اكوامك عليه
ف
*عيوني مولحن من كثر ما مش
بيديه وتبعتهم زحف ما مش
امر عل الدار ولگه الولف مامش
تجاوبني رحلو وگطعو بيه
*فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه

*شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه

*انه وروحي بعذاب جفاك لجنه
يلن جفني بواجي اليل لجنه
انه الما حصد بهواك لا جنه
مو حك الدمع يبجي عليه

*حرت شرد اعدلك وصفلك
يالي بس الذهب يرهم وصف لك
تظل روحي مدرستك وصف لك
واعلة كلبي رحلتك ذيج هية

*اريد ارحل براري بعيد وسعة
على ام شفة الصغيرة وعين وسعة
ياحفار اللحد بالله عليك وسعة
اريد اليوم ياخذنا سوية

*شمالك ياضعن بهواي شتيت
انا بناري وفكر بيك شتيت
اذا انت بقميص الصيف شتيت
انا مصلخ شتاك المر عليه

سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه

*عليمن نافخ بريشك وينحاك
تكول الماي اغزلنه وينحاك
صحيح الجسم اوصله وينحك
بس اذا كلبي كرصني شلون بيه

*ب_ديت وما عرفت إشلون بدواي
عليل وحارت العربان بدواي
نخيت الي خواله بلقب بدواي
يلين كل كلب قاسي عليه ..

*مشى عني حبيبي حيل وابعد
وكضى باحساب ولفي وياي وابعد
احلفنه ابثمودوهود وابعاد
الجرى عليهم ربع ما صار بيه

*بحضنك ياوطن أغفه وانـامن
وبدونك ياوطن ضايع انامن
يسألوني أحبك كَلت انا من
حبه لقب سويته أليه ...

*لحكني الحزن عند بابي وجاني
التعب والقهر لميتة وجاني
اريد اعرف شنو ذنبي وجاني
الزمن والناس هم رفعوا قضية

*وداوي
يمنك هاجن اجراحي وداوي
وعليك وهم نحل ضهري وداوي
يعقلي تاه بفراكك وداوي
صرت مجنون محد حار بيه

*يروحي لليودج حيل ودية
وألة مني جثير الشوك ودية
علي واجب لزوم اكضيه ودية
الك يلي كثر فضلك علية

*عن حال ام تقف مخاطبه لقبر ابنها في المقابر الجماعيه
يابني
الك عتبه بزمن طابوكَ يابني
رحت عني ودمع بلعين يابني
اطالب بربه ولا خثر لبني
تاليتك ترابات تثرمت بديه

انــــــــــه
الراح ابني من اديه ومسعده انــه
اوطركَ يبني الحزن يمه شــجانــه
تعال وشوف عكَبك هلعمـانــه
يلجنت عيني وشوفك انته بيـــه

وناشد
رخه وكَتي عليه وجيت اناشد
افر وسط المقابر حسره اناشد
على وليدي اريد اسأل واناشد
ومن يدليني عليه بهل مسيه

ويمنـــــــــه
صفكَت اخماس بليسره ويمــــنه
تمنيت من اموتن انت يمنــــــه
يلصرت ونتي وحسرتي ولا يمــنه
المصايب يبني موش انه خطيـــه

*يلي جرحت گلبي وانه شاهد
شلزم من عشرتك و اش اهد
خل غيرك حكم ونت.. شاهد
وشوف اشخذت وشخليت اليه

*ما هواني
ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونكسمن سويه

*جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية

*وحشني
ليلج من حضن دافي وحشني
الرجوع الى أعلى الصفحة اذهب الى الأسفل
مودي الجريح
مـراقــب عـــام --[Virus]--
مـراقــب عـــام --[Virus]--
مودي الجريح

ذكر
ـالمشاركاُتٍ : 5893
ــالعًمُرٍ : 36
ــاألدُوًلة : العراق
ــاألمهُنٍةٌ : خريج جامعي
تًآإرٍيِـِخٌ ـآلتًسَجٍيِلٌ : 04/06/2010
السمعة : 21931
ـمزاجكـ اليومـﮱ : ابوذيات سيزار Cool

ابوذيات سيزار Empty
مُساهمةموضوع: رد: ابوذيات سيزار   ابوذيات سيزار Emptyالخميس يوليو 14, 2011 5:48 pm

ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونكسمن سويه
*جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية
الرجوع الى أعلى الصفحة اذهب الى الأسفل
https://www.facebook.com/profile.php?id=100000198867390
 

ابوذيات سيزار

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بنات العراق,IRAQI GIRLS :: ~¤¦¦§¦¦¤~ منتديات الادبيه والثقافيه ~¤¦¦§¦¦¤~ ::  ۩۩ منتدى عــــذب الـكــــلام ۩۩ -
©phpBB | منتدى مجاني | منتدى مجاني للدعم و المساعدة | التبليغ عن محتوى مخالف | آخر المواضيع
عراق سوفت للبرامج | موسوعة الرافدين | وزارة التربية العراقية