حيـــــل عذبني حبيبي

((عذبني حبيبي حيل ))

عذبني حــــــــــــــــــيل وشكد ماردت
وبيدك حبيبي أسجني بســــــــــــجن

ولا تسمع نوحي ولشوف دمعاتـــــــي
خليني وحدي أبقــــــــــــــــــــــه أون

وخلي كَلبي بقهره يــــــمــــــــــــــوت
وخلي الدنيا تطحن بيه طـــــــــــــــحن

وخل دمعاتــــــــــــــــي تجري نهـــران
جَنهه تيزاب وتحــــــــــــــــفر بالوجـــن

مو بيدي من كتلك أحبـــــــــــــــــــك
ولا هيه كلمة مراهق ألهه تــــــــــظِن

كلمة أحبك عندي شي مقــــــــــدس
مثل تقديس الشواطي للســـــــــــفن

من كِتلك أحبك من شفت نفســــــــي
لو أنطق هل كلمــــــــــــــــــــة لو أجن

كِتلك أحبك من عجبتنـــــــــــي أخلاقك
وشفت حسنك ولا مثله بالدنيا حِـــسن

تاليهه كل يوم بكلمــــــــــــــة (( أخوية))
تدفن حبي وأحس كَلبي ويا ينـــــــــدفن

ولا حنيت أعليه فد يــــــــــــــــــــــوم أبد
ولا فد يوم وياي صرت أنتــــــــــــــــه مرن

صح تعلمت تشوفني دومــــــــــــي مرح
لان طبعي أخفي بكَلبـــــــــــــــــي الحزن

أني أحبك ومن كل كلبي أكــــــــــــــــــول
وما أمل حبك حته لو جف الدمع وذاب الجـفن

أضل أكتبلك قصايد كلها غــــــــــــــــــــــــزل
وتعرفني من أتغزل بواحد شلـــــــون أفــــن

وأضل أشتاقلك بكل جنـــــــــــــــــــــــــون
مثل جنون البدو أبشوفـــــــــــــــــــــه مدن

وأضل أحبك وأرسم برسمــــــــــــــــــــك
وأخليك تاج أعله راسي بلكي تحــــــــــــن

بلكـــــــــــــــــــــــــــــــــــــــــــــــــــــي

أني أحبك ومن كل كلبي أكــــــــــــــــــول
وما أمل حبك حته لو جف الدمع وذاب الجـفن

يسلمووو غلاتي ع الكلمات الاكثر من روعة

يسلمووووووووووو غلاي دنو ع المرور