ربع حبي يعادل كل اليحبون ونص حبي الك ماحبتك امك من تنجرح انته يسيل منك دم روح افحص وشوفه دمي لو دمك
عليه تعودت وبدوني راح تموت لحد الموت من حبي ولا افطمك اني العلمك تتهجه معنى الحب غيري الي يجي متكلي شيعلمك؟؟
من گد مااحبك خفت لاتنشاف وخليت الگلب وسط الگلب ضمك ياماي وتبده ونشف وي الروح هذا انت حبيبي وگلي شيلمك تخجل منك الريشه ويضيع اللون اذا رسام مره يحاول يرسمك يسمونك هوى صدگني غلطانين لان انته الهوى يحتاجك يشمك
گبلك جنت احب وچني ماحبيت لأن شفت الگلب مثل الطفل يمك مااحرك رموشي گبالي من تصير اخاف بلحظه اندم ماشفت رسمك
افرشلك عيوني وويه جفني تنام واگلك اغفه بيه وكلشي ليهمك دخذ مني جرح واذكرني بيه ارجوك يظل ينزف عطر لو فكر يلچمك
يااول عنودي عناده اموتن بي فاهم كلشي بيه وگلي ماافهمك لو غيرك حنين وياي مااهواه ولو تظلمني اگلك قابل بظلمك ضواك يشع براءه يغطي كل الكون الشمس تبدي بجبينك تنتهي بجدمك الله منزلك مفصلك علي تفصال وعلى قفل الگلب مفتاح ومرهمك
ربع حبي يعادل كل اليحبون ونص حبي الك ماحبتك امك من تنجرح انته يسيل منك دم روح افحص وشوفه دمي لو دمك
عليه تعودت وبدوني راح تموت لحد الموت من حبي ولا افطمك اني العلمك تتهجه معنى الحب غيري الي يجي متگلي شيعلمك
يا رب تعجبكم
![-●[ مـشـرفه مـنـتـدىالالعاب التحشيشيه ]●-](https://2img.net/h/www11.0zz0.com/2011/08/26/22/536574784.gif "-●[ مـشـرفه مـنـتـدىالالعاب التحشيشيه ]●-")
موضوع: كلمات اغنية حاتم العراقي.... ربع حبي ![مـراقــب عـــام --[Virus]--](https://2img.net/h/oi47.tinypic.com/9tpxcz.gif "مـراقــب عـــام --[Virus]--")
