اريدك سهل مالي فخر بيك
الفخر من تصعب انته وأنا اسهلك
ومدامك طير تحتاج انا اربيك
وبيدي افرد جنحانك واسجنك
ترى خيطك بيدي لاتروح بعيد
بس تلعب بذيلك والله انزلك
خابص نفسك انته وكالب الكون
شنهو الخالقك ماخلق مثلك
صحيح الخالقك بيك اعتنى هواي
ومو بس معتني مبدع بشكلك
لاكن يانجم لاتنكر الليل
ترى لو ما الليل محد شاف شكلك
وعلي بايع ثكل بس اني مرتاح
وحبي يزيد كل مايزيد ثكلك
وما ابدلك لان ربك امرني
واذا يخلقلي ثاني يجوز ابدلك
واذا بدلتك انه افترض فد يوم
هم اكره بديلك حته اردلك
احبك حب فلا مر على انسان
تدري شكد آحــبــك هسه اكلك؟؟!!
اتخيل انته حبل وتشد ركبتي
لو احس بروحي تطلع ما أفلتك

يسلمووووووووووووو على الكلام الجميل