مشيت انت واخذت الواني وياك
اخذهن عادي بس رجعلي اي لون
يذكرني بحياتي وذيج الايام
جنت عايش قبل لااعرفك شلون
حسبالك ابالغ ؟ لا والايام
نسيت الدنيا بعدك واليونسون
ماكلك بقيت لوحدي بجفاك
املك معجبين بكد غرورك
شكد انطيتهم دورك حرامات
ولا واحد قنعني و اخذ ودورك
وماانكر اسولف واضحك هواي
وشافوني نسيتك اكثر الناس
بس هي المصيبه بداخلي اهناه
لمن ذكرياتك تاكل الراس
وبيني وبين نفسي اصفن على الصار
واسئل نفسي اذا فعلا نسيتك
واستعرض كلامك كله وانساه
وتظل بالي بس كلمه فديتك
خايب يانسيك ياشعارات
ياوحشه حياتي بغير اذيتك
اذا ما اصفن بجرحك والاسباب
واشوف الحسره يطلع منها دخان
واذا ما ابقى افكر ليش وشلون
كل عقلك احس بروحي انسان؟؟
حياتي اعرفها من هاي المعاناه
من تكتل لهفتي ومشتهاتي
اما وانت عني بعيد وارتاح
عفوا هاي اصلا مو حياتي
مراري وياك قمه راحه البال
من تجرحني احسك على مودي
انمحت اثار كل جروحي وياك
تعال اجرحني حسسني بوجودي
عجيبه جروح غيرك ساعه وتطيب
متسهرني ايام وليالي
انا محتاج جرحك تعرف شلون؟
مثل حاجه مراهق كلبه خالي
اتخيل لجرحك هيج محتاج
لعد قيس احتياجي لحظنك الراح
تعال احظني وابجي وكول ندمان
اقبل حتى لو بدموع تمساح
جنت مقهور منك لمن احجيت
كلتها وماجنت لحظتها شاعر
تعال العب لحد متكول مليت
منو كلك لتلعب بالمشاعر؟؟؟[/color]
موضوع: تعــــــــال أجرحنـــــــــــي ![عــضــو مــمــيــز -●[ViP]●-](https://2img.net/h/oi48.tinypic.com/hx1c20.gif "عــضــو مــمــيــز -●[ViP]●-")
![مـراقــب عـــام --[Virus]--](https://2img.net/h/oi47.tinypic.com/9tpxcz.gif "مـراقــب عـــام --[Virus]--")
