كرم
رئــيــس الــجــمــهــوريــة
ـالمشاركاُتٍ : 1635
ــالعًمُرٍ : 30
ــاألدُوًلة : بــيــتــنـأأ ..}
ــاألمهُنٍةٌ : أتـفــرج تـلـفـزيـون ..~
تًآإرٍيِـِخٌ ـآلتًسَجٍيِلٌ : 04/12/2008
السمعة : 18926
ـمزاجكـ اليومـﮱ : 
 |  موضوع: محشش مكرش و الحظ الفكر ,, تجيك التهايم ,, و انتة sleeping  الجمعة نوفمبر 20, 2009 2:23 am | |
| السلام عليكم
اليوم راح اسولفلكم لمن ردت اصارح بنية (اي طبعا بنية
قابل اصارح مختار المنطقة؟) هيفاء الجهرة ,, نبيل شعيل القوام ,, نانسي
الخدين ,, و خشمها عدنان درجالي ,, من هذا اللي بس اتنزل راسها تكدر اتسوي
طسة بي بالشارع وهي واكفة ,, المهم اني هم كعدت الصبح جان العصر توة اموذن
,, اتعشيت و بدلت و حطيت عطر اديداس مو طبيعي يخبل ,, و لبست بنطرون جينز
ابو الياخة و قميص طلعته فوك البنطرون ,, هم مودة و هم حتى يغطي الزرف مال
الجكارة اللي بالبنطرون ليفوك ,,
طكيتلي تكسي و رحت للكلية ,, طبعا اني كلش مهم بالكلية
,, مجرد اطلعلهم البطاقة التموينية راسا اتفضل استاذ ,, اتفضل برة يعني و
اروح اكمز من السياج و افوت لان هوية الكلية ضاعت ,, انطيتها بالغلط وية
750 لابو كيا من جنت دا ادفع الكروة و صارت وياها ,, وهسة السايق صف 2
هندسة مستنصرية قسم انكليزي و ديداوم بهويتي شكد حظي فكر ,, المهم ,,
بهذاك اليوم بالذات جانت كاعدة وحدها تنتظرني ,, الظاهر
درت بيه اريد احجي وياها بموضوع ,او هي اصلا دائما تكعد وحدها لان محد
يجرعها ,مرة ضحكت كسرت جامتين من الصوت , اكو بنية هيجي تضحك ؟ههع ههع ههع
ههع؟؟ , اي شنو كابريتر هم ما يضحك هيجي ,, المهم ,جانت توها ماكلة فلافل
و حنجها كلة عمبة ,, و كصتها هم ,, اشوصل العمبة لكصتها ..؟؟ بس الله و
الراسخون في العلم يعرفون ,
لابسة نفنوف اصفر و يلك اسود ,, طالعة جنها زنبور ,, او
موزة خايسة من فوك .. و حذاء ابيض و جواريب بيضة اتكول ضاربة دقلة بقوطية
مال نيدو ,,
احجي وياها بالموضوع؟؟ يرادلي كبل والله خوما ابقى كبلسز؟ هم ما ترهم ,, لازم الكة قبغ ,, مم احجي وياها؟؟
يلا خلي احجي وياها قابل راح اتكص خشمي ببلايس,, .؟
جيت و كتلها
- مرحبا
- وعليكم السلام اغاتي (مو بنية اتكول فايت فايت بكهوة عزاوي عبالك)
بس بقة و تندار و تكول وليدي عباس ,, جاي لعمك مكرش
طبعا ريحة العمبة كفخت بخشمي شوية و يصير بيه شلل اطفال
ببلاعيمي و خشمي ينحول كملت الحوار الرومانسي وياها و اني ساد خشمي بقراصة
رحت اداينتها من بنية
- اني اللي جابني الج ,, موضوع اله علاقة بالحب و المعزة
- عيني عيني يا معزة يا صخلة شنو عيني هاي عيني
اني ما افتهمت شنو هال جملة المليانة عيون ,, المهم ردت كتلها
- المعزة جاية من الاعتزاز و الود و العشق ,, اني احب و لهذا اريد احجي وياج
هاي سمعت هيجي اخذت شهيق و انتظرت الزفير ماكو ,, اني
كلت خاف اختنكت بوحدة من الكلمات اللي سمعتها شي ,خاف تموت و يحسبوها
براسي بنية يا بنية اصلا جيس بي 8 صمونات حجرية و كاعد كدامي ,المهم ,
تالي عرفت هاي حركه معناها هية فرحانة
- اي تدلل و اني موافقة
- غير تفتهمين باقي الموضوع؟؟
- لا اني موافقة
اني ظليت صافن ,, حسيت نفسي انه الاقدار حولتني الى برازيلي صاحبها نسة يشغل البنكة مال حماوة مالتها
- اني اريد اصارح و مستحي
- اني ما استحي احجي يمعود مو جعت و اريد اروح اضربلي
لفة مال بيتنجان ,, احجي و صارح براحتك صدك جذب؟؟ اني كدامك و دا اسمعك و
انت خوش ولد و كلش حباب و اني اي شي تكولة راضية و قابلة بس أنطق عاد احجي
مو ريحة تشريب كامت تضرب بخشمي
ما اعرف ليش حسيت روحي دا احجي وية ابو مطعم بكسرة و عطش ,, مو وية بنية ,, المهم ,, فكرت وية روحي شوية ,
اكلها بمشاعري؟؟ لا؟؟ اكلها انه اني ما انام الليل من
كثرة الحب؟ و من كثرة البك؟ اكلها اني يومية اصعد بالسطح اعد النجوم؟ لان
اريد اقوي روحي بالرياضيات؟؟ اكللها انه اني اذا ما اصارح اخذ السجينة و
اضرب روحي 3 طلقات بحيث اموت غركان؟
قررت احجي وياها بالموضوع :
- بصراحة بت عمج مخبلتني ,, و اني احبها بس ما اعرفها
,لأن بغير قسم و شايفها دائما وياج وهية بت عمج يعني بمقام بت خالج , و
كلت اكلج تحجين وياها تقبل بيه لولا لان اني احبها اكثر من القط بوبو
مالتي اللي كلما اشوفه بالطرمة اهفه بنعال , , و جنت متردد و التردد مالتي
جان 120 هرتز و ,,
و ,, انتي احجي وياها ,, هاي خنزرت عليه ,, كام يطلع
دخان فوك خشمها ,, كصتها احمرت و طلعت بنصها كلمة "....... loading "
ووراها بصراحة ما اعرف شصار لو كسوف لو اني خربت
تقرير أطباء مستشفى اليرموك
في تمام الساعة 10 وشوية .. اني جنت توني متريك ضارب
باكلة و بيض وصاحبي صايم لان عليه نذر ,, جتنا حالة طارئة واحد اسمه محشش
مكرش ناقليه للمستشفى بنجانة ,, و حاطين كمع بحلكة و واحد دينفخ بي
ديسويلة قبلة الحياة ,, و المريض يهذري بكلمات ,, بتيتة ,, شاصي ,, اريد
البيني ,, ياللي دا تنفخ شمزقنب عصير ثوم؟ الحكولي
و بعد فحص الحالة ,, تبين انه تعرض لضرب شديد من قبل
احدى الطالبات ولم يعرف السبب (أحسن) مما ادى الى اصابته بخسفة في رأسه و
جلطة في جعب رجله اليسرة و فقدان للذاكرة ,,, و نسى شخصيته وهو يظن نفسه
الآن كارت ابو ال 10 ,, و هذه مسأله جد خطيرة لانه اذا شخطة واحد و اخذ
الرقم ,, احتمال يذبو ,,,
قمنا بأجراء الاحتياطات اللازمة و نتوقع تماثلة للشفاء خلال 62 سنة و 7 اشهر ,,
د. دايخ دايح فايخ
مختار المستشفى ~*¤ô§ô¤*~ ـــ◊۩¯−ـ‗التــــــــــوقــــ منتديات بنات العراق ـيع‗ـ−¯۩◊ـــ ~*¤ô§ô¤*~ |
|
حبك فخرا لي
عــضــو مــمــيــز -●[ViP]●-
![عــضــو مــمــيــز -●[ViP]●-](https://2img.net/h/oi48.tinypic.com/hx1c20.gif "عــضــو مــمــيــز -●[ViP]●-")
ـالمشاركاُتٍ : 352
ــالعًمُرٍ : 36
تًآإرٍيِـِخٌ ـآلتًسَجٍيِلٌ : 19/11/2009
السمعة : 16289
ـمزاجكـ اليومـﮱ : 
| | موضوع: رد: محشش مكرش و الحظ الفكر ,, تجيك التهايم ,, و انتة sleeping الإثنين نوفمبر 23, 2009 8:05 pm | |
| اللة اللة منك يا مبدع عاشت اناملك الي كتبن الموضوع
واعذرني لان مجنت اعرف انك ولد عبالي بنية
ولهذا رديت بعبارة اختي العزيزة اتمنى ما تتكرر هذة الغلطة
اختك عاشقة N |
|
اســـــ الذكريات ـــــير
نـائـب الـمـديـر الـعـام
ـالمشاركاُتٍ : 8203
ــالعًمُرٍ : 46
ــاألدُوًلة : •ღ ،،حِكَآيّةُ نَبّضٍ تَرّوْيها الحُرُوفْ،،•ღ
تًآإرٍيِـِخٌ ـآلتًسَجٍيِلٌ : 21/11/2009
السمعة : 26464
ـمزاجكـ اليومـﮱ : 
| | موضوع: رد: محشش مكرش و الحظ الفكر ,, تجيك التهايم ,, و انتة sleeping الأحد نوفمبر 29, 2009 11:50 pm | |
| |
|
