علاء الاردني
رومــانــســي فــضــي
ـالمشاركاُتٍ : 413
ــالعًمُرٍ : 33
ــاألمهُنٍةٌ : طالب
تًآإرٍيِـِخٌ ـآلتًسَجٍيِلٌ : 07/12/2008
السمعة : 17462
 |  موضوع: العراق يبجي بحضن دجله والفرات  الأربعاء ديسمبر 10, 2008 9:04 pm | |
| دجلة
شبيك يا عراق خضارك صاير أحمر
محتركَـَ بيك اليابس ويا الأخضر
أشوفك على الجرف كل يوم
مليان حزن مليان هموم
جرحك مبين
وطاغي عليك الألم
ودموع عينك تسيل
على خدك دم
العراق
شحجي شسولفلج يا دجلة
كولشي بيا أندار
ولدي مني وبيه
جرحوني وشعلوا النار
والكبار صاروا صغار
والصغار صاروا كبار
ولدي للأسف تغيروا وصاروا أشرار
مفخخات وأرهاب ونار وعواصف
ومنين ما أباوع لابسين حزام ناسف
ما خلوا كنيسة ما خلوا جامع
وكل بيت بيه شهيد
ونوح وبجي وتناهيد
وصراخ من كل صوب سامع
الفرات
حتى المصارين تتعارك بين ضلوعك
تحمل يا عراق وأمسح دموعك
أعذرهم
الوكت غيرهم
والزمن غدرهم
ترى بعد بيك طيبين
وبيك أهل غيرة ومُحبين
ذولة بحبهُم يضون شموعك
تحمل يا عراق وأمسح دموعك
العراق
يا فرات لو يتعاركون
مو مشكلة نكـَدر نصالحهُم
بس ولدي صارو يكـتلون بعضهُم
أخ يقتل أخو وبالفلوس يغرو
والغني يبوكَـو وبعدين يهججو
والفقير يعدمو وبالشارع يذبو
والناس بالفضائيات تتفرج علينا
واليسوة والـ ما يسوة يتشمت بينا
شلون ما أجر حسرات
وشلون ما أبجي دم
والطيبين مثل حالي
بيهم هم يا بو هم
دجلة
جم أوف تتحمل يا عراق
يا زينة الديرة
لا تكَـَول دجلة ما تحس بيه
لو حجايتها صغيرة
صحيح أنة بس أواسيك
بس بيه الألم بكثر ما بيك
وهم بيه حيرة
لكن أعرف كـَلبك بالصبر تاريخ جبير
وأعرف روحك بالحزن حضارة جبيرة
الأمل موجود
ولابد ولدك لأحضانك يعودون
لآن أنت أبوهم ومعلمهم الغيرة
العراق
الله يصبرنا على الـ ديصير
بأدين ولدي يتغير المصير
كولشي يروح فدوة ألهم
ذولة ولدي وهمي همهُم
آه .. آه
لو بس يتذكرون أيام الخير
شلون جانوا ملتمين
شلون جانوا متخاوين
مسلمين ومسيحين
صائبة ويزديّن
نتقاسم الخبزة سوية
وعشرتنا طيبة وهنية
وكَـَلوبهم تنام بيه
ونتنسم بالعبير
وبجناحي أحضنهم
مثل الطير
الفرات
أبجي وأشكي بأحضاني ياعراق
وأرتاح من حسراتك
وبمكان الآه كـَول يا ألله
لابد تـُفرج والصار بيك تنساه
العراق
الأمل بألله جبير يا فرات وغيرة ما عدنا
راضين أحنا لو هاي قسمتنا
نصبر وهم بعد نصبر
بس مرات أكعد وافكر
أكـَولن ليش عن كل العالم تفرق علتنا
وحكـَ تراب الله الـ منها خلقنا
تعبنا هوايا والله تعبنا
مرة مرتين تلاثة تجربنا
رحمتك يا ربي رحمتك
غلطنا أكيد أحنا غلطنا
ما ننكرعلى خيرنا تبطرنا
بس لخاطر الأنبياء
لخاطر السماء
لخاطر الأبرياء
نترجاك وندعيلك
تفرجها و تسامحنا
منقووول |
|
عمر كوسوفي
رومــانــســي فعال
ـالمشاركاُتٍ : 122
ــالعًمُرٍ : 37
ــاألدُوًلة : العراق
ــاألمهُنٍةٌ : خريج اعدادية
تًآإرٍيِـِخٌ ـآلتًسَجٍيِلٌ : 10/12/2008
السمعة : 17467
| | موضوع: رد: العراق يبجي بحضن دجله والفرات الخميس ديسمبر 11, 2008 6:49 pm | |
|
الله الله روعة وربي
سلمت الانامل على ما نقلته لنا هنا من حروف ذهبية
دمت بهذا الابداع يا علاء الاردني
دمت لي انا ولمنتدانا الغالي
وبأنتظار ابداعك القادم
تحياتي الكوسوفي
|
|
كرم
رئــيــس الــجــمــهــوريــة
ـالمشاركاُتٍ : 1635
ــالعًمُرٍ : 31
ــاألدُوًلة : بــيــتــنـأأ ..}
ــاألمهُنٍةٌ : أتـفــرج تـلـفـزيـون ..~
تًآإرٍيِـِخٌ ـآلتًسَجٍيِلٌ : 04/12/2008
السمعة : 19499
ـمزاجكـ اليومـﮱ : 
| | موضوع: رد: العراق يبجي بحضن دجله والفرات الخميس ديسمبر 11, 2008 10:59 pm | |
| رووووووعة روووعة روووووووعة
عاشت الايادي
دمت باهذا التطور والابداع المتواصل
|
|
