نترككم مع قصة الفتاة............!

كانت قاعدة تتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان...

قلبت القناة على قناة Fuziah (لحد يسألني وشي قناة فوزية)...

لقيت عرض ازياء فساتين زواج... قلبت لقت خطوات وضع مكياج العروس... قفلت التلفزيون
التفت على ابوي اللي نسيت تماما انه كان بجانبي. .. قال لي ابوي:

خير ان شاء الله يابنتي؟! وش فيك؟! عسى ماشر؟!


انا ماادري ايش اعمل ساعتها وفتحت له التلفزيون وجلست ساكتة...



ايه اكيد بسكت وش اقول؟ اقول له ودي اتزوج؟؟؟

اقول له ان صاحباتي اغلبهم تزوجوا؟؟؟
ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ...

اوف والله قرف يا بخت جداتنا ماتصير الوحدة العشر سنين الا هي مخطوبة وعلى13 تزوجن


وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية:

-وعليكم السلام..... الله يسلمك..... الحمدلله بخير..... ايه انا ابوفلان لامش غلطان انا هو... ماعليك زود الله يسلمك... من معي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...


والتفت ابوي علي وعطاني نظرة غريبة


انا ساعتها قرصني قلبي مو من ردود ابوي بس من نظراته الغريبة


رد ابوي على المتصل: وش فيها زود طيب؟

... لا بس مافيها أي ميزات عن الباقي...


رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهاالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله


انا كنت اتابع حركات ابوي وانا متشققة من الفرحة...

اخيرا انخطبت وبتزوج مثلي مثلي غيري...

يوووووه أخيرا بلبس فستان ابيض منفووووووش


اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية غاده ماني عازمتها هي وخواتها ماعزموني الاسبوع اللي فات على الدي جي اللي سووه... وبشتري اغراض واشيل واحط واخطط... بيصدع راسي بس ولو لذيذ هالصداع...


يوم قفل الخط ابوي التفت علي وهو مبتسم

ابتسامة عجيبه وهو ساكت... قلت:
- هاه يبه؟ متى بيجي يشوفني؟
قال- مين
- هذا اللي خطبني الحين
- وش؟!
- خطيبي اللي الحين
- صار خطيبك على طول ماعندك وقت

- ايه يبه ترى احذرك هالمرة شف تطرد العريس مثل ماطردت ولد ام علي العام
والرسول حث على تزويج من ترضون دينه وخلقه... ... والعرس اهم من الدراسة عشان الجنس البشري ماينقرض.... وبعدين من قال لك اني ماني مكملة دراستي والله بكمل الدراسه

توقعت ان عيون ابوي بتطلع من شدة علامات التعجب

اللي في وجهه بعدين انفجر من الضحك

- انتي وين رحتي حدك حدك لا تموتين!!!

- هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة

- أي عريس واي هم؟؟!!... انتي تعبانه؟؟ ... هذا مندوب شركة يبي يجي يوريني

جهاز عجيب على قولته اللي يغسل ويعطر ويطبخ خخخخخخخخ....
قومي نامي يابنتي ولا تكثرين جلوس قدام التلفزيون... الحين بس عرفت ليه صمتي قبل

ههههههههههه

الله يقطع ام العجلة اللي تعرفونها...

هههههههههههههههههههه مشكورة عالقصة المضحكة

جمالي في صمتي كتب:

هههههههههههههههههههه
يسلمووووو
الله يساعدها

نورتي الموضوع اختي
شكرا على مرورك الرائع

بنوتة_حلوة كتب:

هههههههههههههههههههه مشكورة عالقصة المضحكة

مرورك رائع اختي
نورتي الموضوع
ان شاء الله انشوف مواضيع وتنورين بها المنتدى
تحياتي

rawan كتب:

كم يفرحني مرورك بمواضيعي اختي روان
تحياتي واشواقي

هههههههههههههه

حلوة تسلم الايادي

مشكور
بس مو كل البنات هيجي

تحياتي

مشكور عل قصة

مشكور عل قصة