قصتي هاي اسمعوها ولاتحكمون من الاول
شوفو الحب والوفا وشوفو شصار وتحول
كتله : احبك طول عمري وكال: حبنا راح يطول
كتله : اعيش على حبك والله وليوم المنية
ولاتهمني الدنيا كلها والناس خل تحجي عليه
منو ناسي؟ منو اهلي ؟ يكفي حبك باقي ليه
لو تريد العمر يرخص لاتظن يغلى عليك
ولو تريد العين فدوة الدنيا تنشاف بعنيك
ولو تريد اسمي ياعمري اني مجنونة بيك
واني احجي وهو ساكت انتظر منه جواب
شفت منه نظرة غريبة حسيت بيها بالسراب
كال سمعي ياحياتي اني عندي هالخطاب
لاتكوليلي وعد اني مااكدر اوعدج
هالزمن لازم يخون يوم الج ويوم ضدج
عندي الج كلمة وحدة اني احبج
وبيوم اجاني بكل سهولة وكال ياعمري حسافر
مرت ايام وليالي شهور وسنين واناطر
بين ظني وشكوكي عشتها وكلبي حاير
ومرة صدفة أي صدفة وشفته يمشي
كلبي يرجف ولاترف عيني ولارمشي
شفت موقف غريب تمنيت ياربي نعشي
شفته يمشي ويه وحدة شابة وحلوة وانيقة
كال هاي الدنيا كلها ومااتركها ولا دقيقة
وشوفو شعرفها بيه كال عني صديقة
كتله وبعيني دمع عندي الك هذا وعد
راح ادعي طول عمري كون يارب تنسعد
وتعيش ويايها احلى دنيا وماتخونك للابد
هذا حالي ويه الي وعدته بالامان
انطيته حبي ووفائي وكل معاني الحنان
غدر بيه بكل سهولة وبكلبه ماعندي مكان
بس كبريائي مااخسره ولادمع عيني يهون
على واحد مايوافي وبكلمة الحب يخون
ومااعيش على حبه ولااكضي عمري شجون
راح احاول بكل شموخ اني ابدي من جديد
واطوي صفحة الماضي وادور على يوم عيد
ومااجرب حب ثاني و كلبي راح يظل بعيد
ونصيحتي لكل امراة انها تكون الذكية
سمعي مني هالكلام واسمعي هاي الوصية
لاتحبين المخادع ولاتكونين الضحية