كــــان حلمها وأغلى أمنياتها ,, وأحبته رغم مايعتري هذا الحب من عوائق كثيرة ,,
ورغم مايملئ هذا الدرب من حواجز كثيرة تبعدهم عن بعضهم ,, مسافات طويلة ,,
لكـــنها لم تتمكن أن تستمر في كتمان وأخفاء حبها ,,
*******
عن لســــــــــان حـــالها ,, ولأنه شاعر الاحساس الجميل ,, وصاحب الكلمة الرقيقة ,,
كان بهذا قريباً من أحاسيسها ومشاعرها ,, وهي تحدث نفسها عن تلك العلاقة ,,
أدرك مشاعر هذه الانسانة ,, وكتب عن لسان حالها قصيدة يقول في مقدمتها ,,
((( أحبته رغم العوائق والفوارق ,, وأحبها بكل مايملك ,,وفي صحوة بال سألت نفسها عن تلك العلاقة )))

وكـــــــأن لسان حالها يقول ,,,,

***** درب مسدود *****

أنــــــه شـــــــاعر الحب ,,, محمد رحيمة الطائي ,,
واليوم أنقل لكم هذه القصيدة الرائعة والجميلة ,, درب مسدود



وياك وين انتهي .. شو آنه اشوف المشي ..
بظلمة ودرب مسدود
بس غمضت عالثقة .. ومديت چفي الك ..
وادري منخلص الدرب
تاليها ارد اردود
ليوين ابقى انتظر .. واعصابي مثل الجمر ..
احترگ وحدي وأشب ..
والصبر بيه احدود
واسنين اريد اوصلك .. تايه والوم الگلب ..
اشجابني اتورطت
سنبلة وترجف رجف من يگبل الحاصود
بصحرا وصداي القهر .. لوحدي ابظهاري التعب ..
واصرخ كتلني العطش .. وتبده ماي الجود
ليش منريدك تجي .. بالحلم تبخل عليَّ ..
ولو مره اجاني الحلم بيه انت ماموجود ..؟
تعب اعيوني السهر .. اودعني حتى الگمر ..
ظليت أنا لوحدي ابوحشة ليالي السود
منولها ردت انسحب .. وگتلك دربنه صعب ..
رغم الثقة بموقفك .. بس الحذر مريود
شوف النتيجة اشصفت ..؟
الگلب ذاب انتهى .. والجسم صاير عود
ولو عندي قطرة أمل .. انتظرك آنه عمر ..
ودموعي هي اشهود
مرات الوم الگلب .. وأقسي عليه بالعتب ..
بس ينكسر خاطري .. ادري الگلب ممرود
اشجابك يگلبي اله .. مو طيره انت چنت ..
وياطيره گبلك اجت تتحارش ابصايود ..؟
ولتگلي قسمه اليحب .. ولتگلي خطوة الدرب ..
كل خطوه يعني سنه ..
والسنه لمن تمر ياهو اليردها اردود ..؟
ومسكين وك يا گلب .. حتى اعله حزنك بعد
شو انت هم محسود




*****************
تقبلوا مني ما انقل لكم من قصائد شعرائنا المبدعيين والمتميزين