هذي حياتك وأنت حر بحياتك

لحظه قبل لا تطلـب البعـد وتغيـب

وتنهي معايـه مرحلـه مـن حياتـك

أخـذ الهدايـا والصـور والمكاتيـب

دامي خسرتـك مـا أبـي ذكرياتـك

يمكـن يكـون فراقنـا رأيٍ مصيـب

خيره .. كتبهـا الله جتنـي وجاتـك

مع اني ادري انـت ماعنـك تجنيـب

كنك موصينـي وقاضـب وصاتـك

رح واترك بقلبي لك أربع معازيـب

معزتـك طاريـك حبـك غـلاتـك

وإن شفتني أجمع شتاتي .. ماهو عيب

باكـر مـع الأيـام تجمـع شتاتـك

وإن شفتني شايل جـروحٍ معاطيـب

باكر يصير الجـرح أبـرز صفاتـك

أكبر مصيبه فـي زمـان العذاريـب

إنّـي أحبـك وأنـت حبـك لذاتـك

الطيب لـو إنـك تجازيـه بالطيـب

ماكان تالـي الوقـت هـذي سواتـك

يا صاحبي لا صرت أغلا الأصاحيب

لا تزعل بكيفـك وتطلـب رضاتـك

أنـا حبيبـك مبعـد الشـوح مانيـب

من ضيّع جهاتـه .. يـدور جهاتـك

إن كـان ماعديـت روس المراقيـب

ماني كفو أصـلاً أنـام فـي عباتـك

شفني مقدر عنـد عكـف الأشانيـب

مانيب مـن تومـي عليـه بعصاتـك

رح للفراق إللـي تركنـا مصاويـب

شمّت اعداتي قبـل تشمّـت أعداتـك

الله معك .. رح وين مـاودك تغيـب

هذي حياتك .. وأنـت حـر بحياتـك

اقتباس :: يسلمووو على القصيده الجميله ومشكوره على الطرح الاجمل منوره والله المنتدى حبوبه

» اغرب ما سوف تقرا بحياتك
» هل شاهدت البحر وهو يتجمد ؟ منظر لن تراه بحياتك
» ][][§¤°^°¤§][ كل عام وأنت حبيبي ][§¤°^°¤§][][
» وأنت الحب الأول والاخيـــــــــــر
» أنا وأنت.... جاوبني من أنت واسألني من اكون

هذي حياتك وأنت حر بحياتك

هذي حياتك وأنت حر بحياتك

مواضيع مماثلة

مواضيع مماثلة