عتاب بين شاب وبنت

محاورة عتابية بين شاب وفتاة كانت تربطهم علاقة حب

*********عتاب الشــــــــاب للفتــاة *********

بهاي عيوني شفتج لا تنكرين
وهذا الوجه ما يخفى عليّه
مو انا اللي شفتج .. لا تقولين ..
اميزج لو كنتي بين ميّه ..
صحيح وياج ، جايز تغلط العين
بس القلب شافج قال هيّه
اقولج وين شفتج اذا تريدين
بالمكان اللي كنا نقعد بيه سويّه
واقولج حتى انتي شكنتي تلبسين
من شفته عليج شصار بيّه
يُـبَـه.. نفس الثوب هذا اللي قبل شهرين
جبته بعيد ميلادج هديّه
وهاي الساعه بيدج ما تذكرين
جبتها بسبب تأخيرج عليّه
المحابس و التراجي و كحلة العين
نسيتي آنا جايبهن بايديّه..
قناني العطر كانت وحده و اثنين
او سويتج صدق اجمل بنيّه..
جبت لج كل شي حتى انتي تتحلين بيهن مو ليّـه
حصت غيري صاير تعب السنين
وانا بس المشترى صاير عليّه .. .. .. ..

********* رد الفتــــــــــــــاة *********

صحيح انا اللي شفتها وانت مو غلطان
بنفس الثوب هذا اللي جبته ليّه
وصحيح انا كنت و يا شخص ثاني
وما انكر . اقولك آني هيّه
صدق كل اللي قلته
ما انكر .. صحيح جبتهن كلهن ليّه
بس آني انطيتك قدهم اضعاف
حنان و لهفه و لوم الناس بيّه
كنت اشقد اجازف من اجي لك
واتحمل حجي امي عليّه
الاشياء اللي جبتها .. ألك انت البسهن انا وتتباها بيّه
جبتهن على ذوقك مو بذوقي لبستها لخاطرك ، ما تلوق ليّه
هداياك اللي قل لي وش تساوي
شو توازي شبابي أي هديه
انا انطيتك عمر سلمته بيدك
بساعه و محبس .. تمِـن عليّه
وجاي اليوم اللي تعايرني بيهن
اظن عمرك ولا مقدم هديّه
وانا ما شفت منك أي نتيجه
وصارسنين اريدك تحس بيّـه
شفت العمر يجري وكل شي ماكو
قلت الحق بنفسي أنا شبيّه؟
من أظل وياك يتركني قطاري
بأخر لحظه صرت آني ذكيّه
جبت لج ما جبت لج هذا همك !!
لكن ترتبط ما إلك نيّه
اما الشخص هذا اللي كان وياي
اعتبره انا اجمل هديّه
من اول يوم عرفته
حسيته صادق .. إجانا لبيتنا و يطلب أيديّه
وقارنتك انت وياه مرات
شفت الـقـلـب يـمّــــك
لكن الحب حبيبي بهذا الزمن .. عشره بالميّه
والتسعين انا بحاجه إلهن
زواج واستقرار و أحلام ورديّه
لذلك قررت اختار غيرك
مو حقك تجي وتلوم بيّه
واذا انا قبلت قبل بهداياك
اسمح لي ارجعها الهديّه
ترا بخاتم الخطبه تزهي ايديّه .. .. .. ..

انشالله عجبتكم
تقبلو تحياتي

اقتباس :: الله عليك على الكلمات الاكثر من روعه ومشكوره على القصيده الاجمل منوره والله المنتدى بمواضيعك الاكثر من مميزه ومشكوره مره ثانيه

مشكور على المرور الاجمل اسير تحياتي الك
امونة

يسلموووووووووووووووووووووووو الف مرة روعة روعة روعة سلمت يداك على اروع عتاب سمعته بحياتي ما اعرف شنو اقول بعد بس اقول هذا اروع و احلى عتاب سمعته يسلمو ترليون مرة

تعيشون على هلكلام الجميل

روعة والله

واااااااااااااااااااو شئ كلش حلووو
تسلم ايدك حبيبتي يخبببببل
تحياتي

قصيـــده حلوه يسلمــــــــو