سلام عليكم شلع
شلونكم اليوم
اكيد كلها راح اتكول مو زينين والوضع مو خوش
يعني كلها تبجي بالوجه هع هع هع هع هع
المهم خل اروح اني ,, انته كمل ورد مو تغلس ترة والله
الحكــــــــــــك لو تطــــير



** تحشيش على شركة زين **

زيــن... إذا أكو شبكة.
زيــن... إذا گدرت إتحصّل أحد.
زيــن... إذا أحد گدر يحصّلك.
زيــن... إذا بقه رصيدك أكثر من يومين.
زيــن... إذا وصلتك رسائل مِن جماعتك.
زيــن... إذا يشتغل موبايلك خارج بغداد.
زيــن... إذا تجيك الكهرباء ساعتين باليوم
زيــن... إذا وصل الماي صنصولة للمغسلة.
زيــن... إذا أكو بالحصة التمونية زيت لو شاي لو حليب.
زيــن... إذا أكو حصة تموينية من أساسه.
زيــن... إذا وصلتْ مِن (باب المعظم) لـ (العلاوي) بأقل مِن ساعة.
زيــن... إذا أكو عندك خط تلفون أرضي يشتغل.
زيــن... إذا تمشي مِن العامرية إلى الشعب وما إتمر على أي سيطرة.
زيــن... إذا أعضاء البرلمان يتبرعون براتب شهر للعوائل المهجّرة.
زيــن... إذا تگدر إطـّبْ لسوريا بدون دعوة لو فيزة.
زيــن... إذا توصل لمنطقة ( الـ...) بدون ما تنعلس.
زيــن... إذا طبيت لمستشفى ولگيتلك دوة.
زيــن... إذا چان خط الإنترنيت مالتك طلقة.
زيــن... إذا أني هسه ما خمطت الأيبي والهوت مالتك


زيــن... إذا رديتوا على موضوعي




تحياتي

تدلل حبيبي

هههههههههههههههه
زيــن... إذا توصل لمنطقة ( الـ...) بدون ما تنعلس.
واللة موضوع اكثر من رائع تسلم يا اخي الغالي

تدللين عيوني انت شكرا على مرورج