مو كافي حزن

موضوع: مو كافي حزن الجمعة فبراير 19, 2010 12:53 am

مو كافي حزن مو كافي عاد دموع
يا قلبي اليحبك عافك لوحدك
لا تنزف بعد بطل تحب وارتاح
حلو يعني الدمع من يجري بخدك
لا تأمن شمس لو جان طبعك ماي
اذا تكلك اشيلك يمي وتصعدك
لان صدك بخارك من يصير غيوم
مايي عله الارض ما تندم تردك
ضم وردك بعد ليشوفه هذا وذاك
وبحجة يشم يكطع نبض وردك
يا قلبي اليحبك خله بيك جروح
ولزم كل ذكرياتك وبيهن يجلدك
فرش كاعك جمر من واعداك تطير
وكص جناحك وفوك الجمر هدك
يفزع بيك اجاك وبنخه كوم وياي
واول ما كمت رأسآ وكف ضدك
من شافك حضن دافي وتحضنه بحيل
كلك فدوة ظل محتاج انا لودك
ومن يطلع صبح يدفر ودادك ذاك
لان بس بالليالي يريد يتوسدك
رد لحالتك يا قلبي وانسه الصار
مشتاق لضحكتك والله مفتقدك
عنك ما سأل ما كال يمكن مات
ولا كال احاتيه ولا حاول ينشدك
ولا هزهه الحنين وكال اجاني الليل
ولا مرة ذكر ضحكاتك وصدك
بس جاوبني كلي تحبه بعدك ليش
ولك بطل وعوفه من اشتعل جدك
هو العذبك هو الجواك وراح
اي ليش شبيك المن توفي بوعدك
كطع جذورك غفل منك صنع ناعور
وتسكي امثالك انت اليوم من زندك
المن باقي كلي شبيك وشعندك
ميحبك بعد ظل عايش لوحدك
وميحبك بعد ظل عايش لوحدك
تحياااااااااتي
امونة

اقتباس :: المن باقي كلي شبيك وشعندك
ميحبك بعد ظل عايش لوحدك
وميحبك بعد ظل عايش لوحدك

اقتباس :: يسلمووو على القصيده الاجمل ومشكوره على الكلمات الاكثر من روعه منوره والله

قصيده رائعه وكاتبها اروع

يسلمو عيناي امووونه الورده

تحياتي لكي

موضوع: رد: مو كافي حزن الأحد فبراير 21, 2010 5:50 am

موضوع: وين أنته؟ الخميس فبراير 25, 2010 4:48 pm

ادور عليك
ما خليت جوري ما نشدته عليك
أدور عليك..
من أول صبا لليوم
رحتلك للشتا وللصيف
ورحتلك للصحو وللطيف
أدور عليك بين الياس والريحان
أدور عليك بين المشمش الريان
أدور عليك بين التين والقداح
ساءلت البريسم والطلع والخوخ والرمان
وحلفّت الهوه والنوم والتفاح
وناشدت الغطا النعسان
أدور عليك.. وين أنته؟
آنه من التعب تعبان!

مع تحياتي
ايمن البحار