ثانكيووووو حياتي على الرأي بس اني سألت صاحب الموضوع كَتلة اشوكت يخلص مال جميلتهم كَلي هاهية عادي حطي غير فأني لأن اخوية كرم انطاني المسئولية فكَلت لازم احط غير واسوي لأن المعروف عن كرسي الاعتراف يضل اسبوع واني عبالي صارلها اسبوع بس الضاهر مصار اسبوع بس مو مشكلة حياتي نخلي جميلتهم فترة اطول بعد للي يريد يسأل وبعدين نغير بس اني حخلي يومين للي يحب يسأل جميلتهم ووراها نغير لأن لازم نتعرف على جميع الاعضاء مثل مكَلي اخوية كرم وثانكس حياتي عالرأي مرة ثانية

وهسة حنبقي اختي العزيزة جميلتهم على كرسي الاعتراف ونكمل وياها بس يومين حتى نتعرف على البقية

وحتبقى جميلتهم على كرسي الاعتراف للي يحب يسألها لمدة يومين ووراها نغير

ثانكيووووووووووووووووووووووو قلبي تسلميلي على الرد الاكثر من حلوووووووو وانا اهم شيئ عندي هو راحة الاعضاااء وكلامك كان صحيح اختي الغالية وانا مع الصحيح دائما وتحياتي لكي وتسلميلي على الوردة يا وردة

هااي شباب وبنوتات طبعا حسال جميلتهم اسئلة ويارب تعجبج حياتي يلا اخليج ويا الاسئلة

كم مرة حبيتي بحياتج؟

مريتي بتجربة خيانة؟

مرة وثقتي بأحد بس طلعت الثقة مو بمحلها؟

شنو اصعب موقف واجهتيه بحياتج؟وليش؟

يارب تعجبج اسئلتي
باااي
ودي

هلوووووو حبايب طبعا خلصة المدة مال جميلتهم مع أنوا احنة حبينة تبقى ويانة وقت اطووول بس هو كرسي الاعتراف هيج ...وطبعا اكو 3 اشخاص صوتوا ونشوف منو نختار بالنهاية وال 3 اشخاص همة

1:ليلاس
2:اسير الاحزان
3:امونة
يلا اني بأنتضار اجوبتكم

اني ارشح حبي والعزيز (اسيرالاحزان)تحيااااااتي
امونة

طبعا ننتضر بعد التصويت حتى نختار منو يكون بكرسي الاعتراف فحننتضر زيادة شوية ونختار ويسلمووو حبايب على مروركم الحلوووو واختياركم

امونه
ثانكس

يسلموا

امووووووووووووووووووونة

هلووووو حبايب طبعا لازم نبدي بكرسي الاعتراف وطبعا صار التصويت والتصويت جان بصالح ليلاس حيث تم اختيار
اسير الاحزان 1
امونة 2
ليلاس 3
فليلاس حتكون على كرسي الاعتراف

لطالما أنتظرنا هذه الفرصة السانحة من زمان منذو
نشأة وميلاد"كرسي الأعتراف" لإستضافة الضيف الكبير
الذي دائماً يتلألأ دوماً وينور في ساحات وأزقة وسماء
>منتديات بنات العراق<

رحبوا معي نجمنا المتألق وضيفنا الذي نعتبره
الآن ضيف شــرف وذلك تعزيزاً ومثابة منه بهذا التقدير
والكرم منه خلال هذه الفترة الوجيزة معنا ضيفاً لنغتنم
منه كل مالديه ونتعرف من أفكار ومباديء وقيم خلال هذه
الرحلة القصيرة الأسبوعية والتي يقضيها ويجمعنا فيها
ومعنا على شرف الكرسي.

نستضيفه من اليوم 10/3/2010
الى يوم 18/3/2010
يعني اسبوع ويوم لان هذا اليوم ميعتبر لان تقريبا خلص

لأن هو على ضيافتنا وشرفنا بهذا الكرسي لنتطلع
ولنتعرف عما هو أعطى منه بالماضي وعازم عليه بالحاضر
فهـو غـني عن التعــريف .. رحبوا معـــــي :-

يالعضوووووووو (ليلاس)
ياهلا وسهلا بيك ومليار ترحيب بهذا الكرسي
واتمنى لك قضاء وقت ممتع ونستهل الإجابة الشافية
منك بهذا الصرح الكبير بكرسي الأعتراف.

وانا حكون اول وحدة اسألج يا وردة المنتدى ويارب تكون اسئلتي تعجبج وتكون خفيفة عليييج يا قلبي ويلا نبدي:

شنو اهم شي بحياتك؟؟

اوصفيلي شخصيتج بكلمات قليلة؟

عادة تعمليها وتحبين تتركيها؟؟

اكيد كل انسان ويحب يكون بالمستقبل شي فشو تحبي تصيرين بالمستقبل؟

يوم من الايام وثقتي بشخص بس طلعت ثقتك مو بمحلها صارلك هذا الموقف؟وليش؟

كم مرة حبيتي بحياتك؟؟

منو الاهم عندك الصدق لو الوفاء؟

واخيرا شنو الي تتمنيه للمنتدى؟

وثانكيوووو يا وووردة ويارب تردين وتعجبك الاسئلة

الف شكر على الموضوع
وبالموفقية للجميع
والاعتراف
اختكم
اميرة الظلام

ليلاس

1.شنو هوه اسمج الحقيقي؟

2.شنو احلى شي بالحياة بالنسبة الج؟

وووو وماكو بعد اسئلة

تحياتي