»¦ كــرســﮯ الاعــتــرأأفــ؍ ¦«

تذكير بمساهمة فاتح الموضوع :

هلوووووووووو

اشلونكم

شباب بنات

انشاء الله زينين

الموضوع من اسمة كرسي الاعتراف

و كل اسبوع يوكع على واحد

نختار 3 اعضاء

و ياهو الي يفوت يصوت الهذولة ال 3

الى ان يطلع واحد منهم يكعد على كرسي الاعتراف

و ناسالة اسائلة

بس ايجاوب بصراحة و ماكو اي خجل

يله نبدي

ب 3 اعضاء

امونة و { جميلتهم..! و اسير الاحزان

الي يجي بعدي يصوت على واحد منهم

يله ابدو lol!

اخي العزيز
اســـــ الذكريات ـــــير

شوووكراً الك على هذا الطرح الممتاز ....
والكلام العسل من حضرتك

ان شاء الله تكون اجوبتي موفقهوتنال رضاكم ومحد يزعل عليه واني على الكرسي ...

هسه ابلش ااجاوب ..
بسم الله

بطاقتي الشخصيه

اسمي :- نسيم ... بس بالجنسيه حسين واكثر شي نسيم يعني

العمر :- 22 سنه

الحاله الاجتماعيه : طالب جامعي ... كليه الاداره والاقتصاد

السكن : العراق .. بغداد الحبيبه

هوايتي :- الحــــزن

كل مايخص شخصيتي :- انسان اجتماعي .. احب الصداقات .. من الطرفين الانثوي والذكري .. بس مع الانثوي تكون بحدود طبعاً ... احب المزاح هوايه ... ومااحب احد يزعل مني نهائياً

القسم المفضل لدي بالمنتدى :- منتدى الالعاب التحشيشه

اشكرك اخويه اسير ... وانا بأنتظار بقيه الاعضاء لأجاوب على اسئلتهم ... وبالخدمه ان شاء الله

تحياتي للجميع .. ومنهم حضرتك

ودي واحترامي

فـــيے آآآمــــــــــآآآن الله وحفظه

ياساكن افكاري .........شلونك تسمح لي كم سؤال ........كلش بسيطات

اكثر اكلــــــــه تحبها؟

وين تحب تقضي وقت فراغك؟

شنو الاستايل المفضل باللبس عندك؟

اكثر مطرب تحبه؟

كم مرة حبيت بحياتك؟

منو الانسان الي مستعد تضحي بعمرك على موده ؟

عندي هواية اسئلة بس ماريد نثقل عليك.....

اهلين بااانبع الحنان

اوكي اجاوب ليش لا

اكثر اكلــــــــه تحبها؟
الدولمه & الحم بعجين

وين تحب تقضي وقت فراغك؟

اجلس لوحدي

شنو الاستايل المفضل باللبس عندك؟

الزي الجامعي تقريباً وبالطلعات ... يعني البدي والبنطرون بس اكثر شي .. الزي الجامعي

اكثر مطرب تحبه؟
عراقي ماجد المهندي .. عربي فضل شاكر .. اجنبي .. ايمنيم

كم مرة حبيت بحياتك؟
مره وحده وفشلت بيها

منو الانسان الي مستعد تضحي بعمرك على موده ؟
امي طبعاً

اشكرج هوايه وعاادي اني مستعد اجاوب على اي سؤال اخر ... ومتثقلين عليه بالعكس مثل العسل على قلبي .. اشكرج واسئلج كلش حلووه مثلج مــســيــطــر

بسم الله الرحمن الرحيم

يلا نبدء التحقيق خباثة

لا امزح ريلاكس خذ نفس ولا تتوتر اسئلتي سهله هههههههههههههههه

1-ماهي طموحاتك في الحياه ؟

2-ماهي مواصفات شريكه الحياه الاخلاقيه؟

3-لو كان عندك فانوس سحري وطلعلك رجل الفانوس وطلب ان يحقق 3 رغبات لك ماذا ستكون رغباتك؟

4-ماهو الامر اللذي فعلته في حياتك وندمت عليه؟

5-ماهي البلدان التي تحب وتتمنى ان تزورها؟

6-ماهو سن الزواج المناسب في نضرك للفتيات وللشباب ؟

7-ماهو اجمل قرار اتخذته في حياتك؟

وشكرا ومعليش لو طولت عليك تحياتي .

-ماهي طموحاتك في الحياه ؟
طموحي بالحياه اكمل بكلوريوس بعدين ماجستير واخذ طموحي الاول ... وبعدين طموحي الثاني اكمل دراسه اخير وهيه كليه لغات قسم ترجمه انجليزي

2-ماهي مواصفات شريكه الحياه الاخلاقيه؟

مواصفات شريكة حياتي بصوره عااامه ... تكون انوثتها 100% .. مو شرط تكون حلوه .. ومثقفه وتحبني واحبها طبعاً .. وخلوقه ومو عنوديه ... :)

3-لو كان عندك فانوس سحري وطلعلك رجل الفانوس وطلب ان يحقق 3 رغبات لك ماذا ستكون رغباتك؟
اول امنيه .. امحي شي من عندي اسمه حزن .. ثاني امنيه .. اخلي يشيل كل الامراض من امي ويوديها للحج .. وثالث راغبه يحقق الي ابالي

4-ماهو الامر اللذي فعلته في حياتك وندمت عليه؟
اول شي حبيت .. وثاني شي ماشديت حيلي بالسادس وطلعت الكليه الي اريدها ..

5-ماهي البلدان التي تحب وتتمنى ان تزورها؟
ايطاليا .. والسويد

6-ماهو سن الزواج المناسب في نضرك للفتيات وللشباب ؟
24 - 25

7-ماهو اجمل قرار اتخذته في حياتك؟
تركت حبيبتي السابقه ...

اشكرج .. نغوومه ... اسئله كولش حلووه وخفيفه على صاحبتها طبعاً ... ومستعد اجاوب على اي سؤال اخــر ..... تحياتي الج

مرحبااااااا مدامك مستعد اجل هذا الجزء الثااااااااني من الاسئله 4 اسئله فقط

1- ماهم اجمل شيء في شخصيتك ويثنون عليه الاخرين لوجوده فيك؟

2-ماهو الشي ء السلبي في شخصيتك وللي ودك تتخلص منه؟

3- واذ اقلتلك تكلم عن (ساكن افكاري) في سطرين وش راح يكون جوابك ؟

واااااااااااخرسؤال وهو اصعب سوال

مستعد بس لازم تجاااااااااااااوب بصراحه وماتلف وتتدوور لوتي

4- كم مقاس حذائك ؟هههههههههههه يضحك

قاعده( اشاقج وياج)بالسعودي قاعده امزح معااك بس جاوب هههههههههههه

تحيااااتي واحتررراماااااااتي . :

هله هله هله هاي منو كاعد على الكرسي وساطر الناس هههه
باباتي كتكوتاتي اتمنى تجاوب على اسألتي بس من بعد نغم ماشي

اكثر صفة تحبها بالولد وبالبنت
اكثر كلمه تحب تقولها
اكثر اغنيه تحبها والمن تهديها
اكثر عضو/ه ترتاحله بالمنتدى
====== تحب تواجده بالمنتدى
اكثر موقف عجبك من شخص وشنو هو
اكثر موقف ازعجك بحياتك
اوصف شخصيتك ب4 صفات 3 زينه و 1 موزينه
شخصيتك مقاربه لمنو من المطربين او الممثلين
اول شي يجذبك للبنت شنو
شون تحب تكون مواصفات موبايلك_سيارتك
تحب تشكر احد هسه كدامنه
تحب تعاتب احد

شنو رأيك بالاسئله ؟ وهسه هم افكر بعد واسألك
تحياتي وسي يوو

- ماهم اجمل شيء في شخصيتك ويثنون عليه الاخرين لوجوده فيك؟
محبوب .. ومتواضع .... بس صفه متواضع الا الشخص يعاشرني يلآلآ لان اكثر من ولد وبنت كالوا انت متكبر من عاشروني لآلآ عرفو اني شنو

2-ماهو الشي ء السلبي في شخصيتك وللي ودك تتخلص منه؟
طيبتي

3- واذ اقلتلك تكلم عن (ساكن افكاري) في سطرين وش راح يكون جوابك ؟

هذا الشي اريد اعرفه منج ومن فنفوشه .. مااكدر اتكلم عن نفسي واحكم على نفسي

واااااااااااخرسؤال وهو اصعب سوال

مستعد بس لازم تجاااااااااااااوب بصراحه وماتلف وتتدوور

4- كم مقاس حذائك ؟هههههههههههه
هههههه ا 41-42

شوووكراً نغم
اسئله حلووه وبالاخص الاخير هههه

هلآلآلآ عيوني فنفوشتي باباتي مشتاقلج كوووميات

هسه اجاوب

اكثر صفة تحبها بالولد وبالبنت
اكثر صفه بالولد التواضع .. وكون اجتماعي .. وبالبنيه الدلع
اكثر كلمه تحب تقولها
كبداتي
اكثر اغنيه تحبها والمن تهديها
حالياً .. شلون شلون هيبت البدر .. واهديهها للي ابالي هــع
اكثر عضو/ه ترتاحله بالمنتدى
انتي فــقــط
====== تحب تواجده بالمنتدى
كذلك
اكثر موقف عجبك من شخص وشنو هو
ام زعلتها ومادارت بال وبقت نفس الشي ويايه ومازعلت مني فديتها بروووحي
اكثر موقف ازعجك بحياتك
من حبيت
اوصف شخصيتك ب4 صفات 3 زينه و 1 موزينه
محبوب مثل ميكولون الناس متواضع ... وماازعل ابد من اي شخص حتى لو اكرهه ... مو زينه .. طيبتي
شخصيتك مقاربه لمنو من المطربين او الممثلين
مطربين تقريباً احس مثل ماجد المهندس ... وممثلين ...تيم حسن الممثل السوري و .. كولين فاارييل الممثل الاجنبي
اول شي يجذبك للبنت شنو اخلاقها ورقتها ودلعها واسلوبها
شون تحب تكون مواصفات موبايلك_سيارتك
موبايلي احب يكون بلآلآك بيري .. وسيارتي اوباما سوداء اللون
تحب تشكر احد هسه كدامنه
طبعاً امي وشكد مااشكرها مااعتقد راح اكفي واوفي
تحب تعاتب احد
اي طبعاً
العضوه فري كات

شوووكراً
باباتي كبداتي اسأله كوولش حلووه

وبأنتظار المزيد اذا عدكم تحياتي الج وللنغومه الورده

تدلل باباتي اي عندي ليش لا بس الاول اجاوب على هذا السؤال
- واذ اقلتلك تكلم عن (ساكن افكاري) في سطرين وش راح يكون جوابك ؟
هذا الشي اريد اعرفه منج ومن فنفوشه .. مااكدر اتكلم عن نفسي واحكم على نفسي

بالنسبه الي: ساكن افكاري انسان بمعنى الكلمه ميجرح احد وحتى اذا جرح احد فبدون قصد ويصلح هذا الشي فورا واتمنى الكل يعرف قيمته حته ميخسروه ..انسان طيوب وصادق مع الكل ويحب الكل وكله مشاعر وماعرف بعد شأكول عنه لان فعلا انسان بمعنى الكلمه وبيه كل الاشياء الزينه ويستاهل كل خير وصعب ينسي
(صارت اكثر من سطرين ^_^ بس هم مو كافيه هههههههه)

هسه اريدك انته توصفلنه كل عضو تعرفه بالمنتدى وتحب تحجي عنه وتوصله الكلام الي بداخلك اذا جنت مقهور منه او ممنون او هيج شي ماشي لوتي

هههههههههه
يسلموو بااباتي كبداتي عيوني
اشكرج كلش ..

والي رجعه اجاوب على سؤالج الاخير ... لوتي

اللة يشافي الوالدة ويدومهه اللك اسفة ما عندي اسئلة لانو ما احب اسئل اهواية تحياتي

بخصوص السطرين :

بسم الله

اولا اخ عزيز ذو تعامل راااااااااااااااااااااااااااقي جدا

وطيوووووووووووب اشكره على اخلاقه الجميله

وشخص مررررح( ولوتي)الله يوفقك ويحقق لك امنياتك

تحياتي flower

(اول شي حابه اكوله الك انو اني اسفه اذا بيوم ضوجتك مني و ادري انو هسه انت زعلان عليه و صدكني ما اعرف السبب بس لانو اني اعزك و انت تقريبا من اقرب الاشخاص الي بالمنتدى و اني حاسه انو دا اخسرك يوم على يوم )س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
)س شو أصعب المواقف اللي مريت بها ؟
) س شو موقفك من الحب ؟؟ وهل جربته ؟؟ هل تأمن بوجوده ؟؟
)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
) س هل ندمت فحياتك على شي معيّــن ؟؟؟
) س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
تحياتي لك

اول شي احب اكولج احنه مستحيل احد يخسر الثاني الي صار جان سووء تفاهم وهسه رجعنه احسن من قبل واحلىى بعد ...

هسه اجاوبج عيوني فرفورتي

س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
اي طبعاً .. شعوري احس اني صدك احد فوك راسي ويكولي احجي لك هههه
س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
اكمل دراستي واخذ ماجستير .. واودي امي للحج

)س شو أصعب المواقف اللي مريت بها ؟

شفت صديقي الله يرحمه غرق كدامي وفارق احياه واني ماكدرت اسوي شي لان ماجنت اعرف اسبح بوقتها

) س شو موقفك من الحب ؟؟ وهل جربته ؟؟ هل تأمن بوجوده ؟؟

الحب شي حلوو للي يقدره واني موقفه منه ايجابي طبعاً .. جربته مره وحده وتجربه فاشله من جميع الجهات !! ... وطبعاً اامن وجوده
)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
ولله براحه طبعاً عقلي بس مرات اكو مواقف الواحد ميكدر يسيطر على نفسه . وقلبه يتحكم بي .. لذكل مره هذا ومره وذاك
) س هل ندمت فحياتك على شي معيّــن ؟؟؟
قبل طبعاً هواي امور .. وحالياً نعم .. لان سجلت بهذا المنتدى ..!!!
) س مالفـرق بين الحب والصداقة ؟ وهل يمكن ان يسلكا طرق الغيرة 00؟

اي اكو فرق يعني مثلاً الصداقه .. يمكن اكدر اصادق واحد وثنين او مليون ... بس الحبيب لا مااكدر بس هو

اشعر بالسعاده عندما الاقي صديق واشعر بأني قلبي يخفق بقوه من الاقي الحبيب ...

وطبعاً ثنينهم يسلكون طريق الغيره لان مرات صديق يغار من الاخر وطبعاً الحبيبين لازم يكون بينهم غيره هاي شغله منتهين منها .... هذا رآآي الخاص طبعاً

_ما رأيك بهذه الكلمات ..
الخيانة .. انك تضحي بكل ما تمللك من احساس ومشاعر ومال وصحة وكل شي عندك..... وفي النهاية.... تلقى الجحود والنكران...
الصداقة ..كـــنز لا يفنى ابداً ... تجد فيه الانسان الي يشبهك والي يقف معك في السرآء والضرآء
النميمة .. هي نقل الكلام بين طرفين لغرض الافساد بينهما .. والله يبعدنه عنها
النفاق .. هو سلوك الغاية منه أنتهازية..
أي أظهار عكس مانبطن أو نضمر للآخر..
بقصد تحقيق مكاسب معينة

تحياتي الج واسف ع التأخير .. بس كل دقيقه تطفي الكهرباء .. واعتذر اذا جانت اجوبتي مو وافيه بس هذا الي اعرفه عن نفسي ... واسألتج كلش حلوه وواقعيه
تصفيق

شكرا ساكن على اجوبتك الحلوه و بالعكس كافيه ووافيه وشكرا الك على كلشي

ممكن سوال ياساكن ؟

من جد نادم على أنك سجلت بالمنتدى؟

ولمااااااااااااااااااااااااااااااذا؟

اهلي فرفورتي ... واني هم اشكرج ع كولشي ...

اهلين نغم ...
اي بصراحه اني نادم لاني سجلت بالمنتدى ... لان قبل وهسه بالمستقبل ادري راح تجيني مشاكل .. واني بالبدايه جان عندي منتدى بس دخلت لهذاالمنتدى ... واشو ركضت وره قلبي مو وره عقلي ... المهم ... اني فعلاً نادم ولو اكو آله اعاده الزمن جان عدته وماسجلت ... بس شله وحده مانادم بيها بهذا المنتدى ..!!!

اني شفتكم .. وهسه دا اتواصل وياكم من خلآلآل الردود

وتحياتي الج .. ويمكن مراح تقتنعين بالرد وحقج طبعاً بس اكو هوايه امور..مااكدر احجيها

واكثر شخص خسرته بالمنتدى عقيل وياريت يرجع ...

تحياتي الكم واعتقد انتهت فترتي ع الكرسي .... وشوفي منو ترشحون غيري .... دمتم بود :>:D<:

تحياتي سي ساكن على الرد

واريد ان ارشح فنفوشتي الحلوه

واني هم ارشح فنفوشه

من بعد امر اسير الذكريات وصاحب الموضوع المختفي طبعاً للـكأع

اوك و اني ارشح فنفوشه

≈ يآωــآڪـטּأَفّڪْآريِ ≈

ابي ارشحك حق كرسي الاعتراف تكون مسؤول عليه وترشح الاعضاء

واتمنى لك التوفيق واشكر كل الاعضاء المشاركين في الموضوع واشكر كل من رشح او ترشح

اوكي اخويه اسير ....

احبتي الاعزآآء

اليوم سنقدم شخصيات جميله من المنتدى
ونرشحهم للاستضآفه بكرسي الاعتراف

والاعضاء هم ...

1- *نغم*

2- Free Cat

3- نبع الحنان

الترشيح يكون بعدد الاصوات الاكثر ... الموفقيه للجميع

فري كات

نبع الحنان

نبع الحنان