ابوذذيات
عشرتك روحي صدك /ماتملها
وكلبي ايام سعدك /ماتملها
أريد انصب لروحي /ماتملها
واشوفك هم تجي وتبجي علية
لو مره تمر مثل /الشماته
وأنالنحرك يالأسمر وك /شماته
ولك مغرور كالولي /شماته
صحيح أبشامتك تنغر عليه
لوتذكر رباي وياك /وإلعن
ولاتنغر على اللي بيك /وإلعن
فرضنا لو اسبك حيل /وإلعن
هم أبغيص وك تزعل علية
لوتعرفني احبك /وأشتمنك
ولأن منطي للواشي /وشتمنك
أريد اليوم احضنك /وأشتمنك
واشوفك هم تذب روحك علية
لو رأسآ تكلي ارجوك /هدنه
وتعاركني وتريد أنوب /هدنه
ولك والله العشك وياك /هدنه
مريض انه تعال اسأل علية
وشوف شلون حالي /منتسلني
ولكن سيف صدك /منتسلني
الدمع يغلب جوابي /منتسلني
أضحك بالجذب غصبن علية
لأن ماريد اشوفك يوم /حزني
وتدري بسيف هجرك ولك /حزني
كلبك انت وحدك ألي /حزني
و{حيازه وحمل} سلمتك بديه

يسلمووو حبوبه على الكلمات الاكثر من روعه ومشكوره على الطرح الاجمل منوره والله المنتدى بمواضيعك المميزه

سوف يتم نقله الى قسم عذب الكلام