إلى العراقيين ،، إنتخبوا قائمة الأيتام ،،

بمناسبة إقتراب موعد الإنتخابات

قائمة ليتام

أنتخبك تريد شلون هاي اتصير
هو انت اعرفت شنهو مطاليبي
أريد امّن انتخب واحد ربه اعلة الخير
مو حتّى الدعاية ايسدهه من جيبي
أدريبك صلف بيدك ذبحت الثور..
من ثوري تريد اليوم تنطيني ؟
حسبالك غشيم ومثل ذاك اليوم ..
وبوصلة لحم من ثوري تغويني
ما صوّت .. ولا أنتخب ياهو الچان
يكفي الضيّعيته وضاعت سنيني
شبعت اوعود منّك.. وأنتخمت اوعود
خن أصعد تگلّي شبيك تانيني
تعمّر گتلي تبني بيوت للأيتام
زادت هاليتامة وگتلي تحميني
مستقبلنا زاهر گتلي بس وياك
شو زاهر تهجّر .. وانت ناسيني
حظّر فايلك.. توعدني بالتعيين
تاليهه بسجونك طلع تعييني
أدمنت الذبح لمّن ذبحت الثور
وأول ما ذبحت أهلي وجواريني
أخبرنّك فتحت اعيوني بالتيزاب
والعبّاس رخصت للوطن عيني
ما أسمح بعد تفتيلي بسم الدين
ما أسمحلك بفتواك تمحيني
تكفّرني إذا ما أنتخب علّان ؟
آنه أفتهم أكثر منك بديني
ما عايزني دوخة وفتوة ما محتاج
رايد تسمع انت ولا تحاچيني
آنه الأنطي فتوة وغيري ما مسموح
وبإسم اليتامة وضيمي وونيني
بسم عگال أبوي الداسته الأرتال
بسم الأرملات وكل مساجيني
بسم الّي تهجّر .. بسم أخوي الطاح
دمّه الهسّه مطبوع بحياطيني
أعلن فتوة من زاخو لحد الفاو
كافر .. ملحد .. وشتريد سمّيني
كلمن ينتخبكم مجرم وسفّاح
رايد يگطع الدم بشراييني
باچر راح أرشّح قائمة ليتام
ما أقبل بعد تتلطخ ايديني
ما أقبل بعد تتلطخ ايديني

تحيااااااااتي

مسساري العراااااااقي

» ::: قائمة كنائس العراق ::: ادخل هنا وتعرف ؟؟
» اريد من كل العراقيين ترحيب قوى
» قائمة ريال مدريد المستدعاة لمباراة ليفانتي
» سوالف احنا العراقيين منبطلها ابد
» شعر جميل عن العراق الجريح على كل العراقيين الدخول

إلى العراقيين ،، إنتخبوا قائمة الأيتام ،،

إلى العراقيين ،، إنتخبوا قائمة الأيتام ،،

مواضيع مماثلة

مواضيع مماثلة