مجموعه بسيطه من الابوذيه

قهر حبك حبيبي عسل وي جوز....
وربك مايتوب الكلب وي جوز....
تريد أنساك بس بالموت ويجوز....
تلمنه الاخره ونرجع سويه
-------------------------
.محبتكم علينا هاي نعمه
وبعدكم مانشوف ألزاد نعمه
أكو أغنيه بشريط حسين نعمه
كافي من ألبعد حنوعليه@
--------------------

تموت الروح يا صاحب بعدكم
وريح المسك ما فاحت بعدكم
ترى شما طال يالغالي بعدكم
تضل غالي وعزيز انت عليه

----------------------------------------------
جنه من الدفو ياناس حضنه
عشكته وماكعد وياه حضنه
ماردت الطمع بس ردت حضنه
------------------------
هجم حبك على أسنيني غزلهه
وروحي بمغزل الحسره غزلهه
الرسايل بس الك يحلى غزلهه
لأن طبعك وفي وروحك وفيه
------------------------------
فصوص ألعين فص أليه وفص ألك
واكتبلك بالعشك ياسمر وفصلك
ورد أنوب أخيطك وفصلك
وجيبك فيت يالترهم عليه
---------------------------
سهول ألناس هاجت وأنت رأسي
سفن غركت أبحري وأنت رأسي
أخوي أنت وصديقي وتاج رأسي
وأعز منك تره ماكو عليه

---------------------------------
الك عمرين نص روحي ولك بر
والك نهرين نص كلبي ولك بر
الك يرخص ثلث عمري ولكبر
خصم هذا الحجي كلك اليه
مشتاقين
-------------------------------------

وحق الي محه العزه ومحه اللات
شفافك عسل من ربك محلات
الك شارع وسط قلبي ومحلات
محل حب ومحل شوك ومحل طيبه وخويه

---------------------------------------

قلم كلبي تداين ورق منك
لان ماكو بجمالك وارق منك
اسجلك انت الاول وارق منك
واكتب لافته محجوز إليه
سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

--------------------------------
صديقى وظل غدر ينبظ وريدة
ويصاحب صوج كلبي من ورا ايدة
غدرني الجنت احبنا واريد
ووفالي الجنت اظنه يخون بية

++++++++++++++++++++

ارجون ان تعجبكم

ثانكس حبيبتي ع الطرح
كلمات اكتر من روعه

يسلمووو على الموضوع الاجمل ومشكوره على الكلمات الاجمل
منوره والله المنتدى حبوبه بمواضيعك المميزه

شكرا لك اختي الغاليه ابوذيات رائعه

تحياتي

عاشتتتتتتتتتتت يداك