اسئلة البكلوريا العراقية2090(الله يعين الطلاب لا هواي راح يجابون)

هلووووووووووز
شلون الصحة؟؟
نشلة وكَحة هع هع
اليوم جبتلكم اسئلة امتحانات البكلوريا العراقية
في سنة 2090إنشاء الله ينجحون الطلاب

اسئلة رياضية
ملاحظة باوع زين: بكل فرع محل مال ببسي عفوا كل فرع 10 درجات و الاجابة عن فرع واحد على ان يكون من ضمنها السؤال مال خشوم

1-عدد الحيادرة في المنتخب العراقي منذ عام 1516 Before Christmas ؟؟؟(حيادرة =جمع حيدر)
2-عدد لاعبي منتخب العراق عام 1980 حسب كبر خشومهم؟؟؟ سهلة
3-من اللاعب العراقي الوحيد اللي جانوا سنة 2004 ينطوا الطوبة كدام يركض ليورة و يعوف الطوبة؟؟؟مساعدة ( اللاعب جان بيه فلاونزا الطيور و يبدي بحرف من احرف اللغة العربية )
4-في اي ثانية من الساعة الخامسة و 3 دقايق يوم 17/8 1950 تم زرع اول قطعة حشيش في ملعب الشعب؟؟؟ (فد جكارة يرحم والديك)
5-7 لاعبين عراقيين فازوا بجائزة نوبل للغباء و الثامن خمط الجوائز و سافر منو همة؟؟؟(سافر!!!لبسوا فوطة لعد نياااا شكد سخيف ابن ال...)

ناقش العبارة التالية: هكذا يلعب الفاشلووووون ...هكذا بالحظ يغلبووووون

عرف ما ياتي

ملعب الشعب:
عباس ابن الخبازة:
حنفي الابهة:
نانسي عجرم:
السنفور المفكر(احمد عبد الجبار):هذة مغني لو لاعب و الله تيهت؟؟؟

الاسئلة الفنية

1-اني وردة بيضة شكلي جميل ما احلى جمالي لمن اميل يا كبار يا جهال اشربوا الحليب للصحة للقوة هوة مفيد طي طي طا طي طي طا سالمين اخوية؟؟؟خوماكو شي؟؟؟
2-منو جان يرسم احسن حسام الرسام لو ابو علاء المعري؟؟؟(صدك حسني مبارك مو معري)
3-يقال ان الكذلة كانت سبب نجاح العديد من الفنانين العراقيين سابقا هل توافق على ان الكذلة سبب نجاحهم لو طريقة لبسهم؟؟؟(لانه اكيد مو صوتهم)
4-عدد اسماء الاغاني العراقية التي ذكرت بيها الفواكه ؟؟؟ مع غناء مقطع قصير منها امام كل مدرس (صدك بيش كيلو الطمامطة؟؟؟)
5-ما هو الفرق بين سمفونية علاء سعد(اوي يو ييو يو ييو يو او ييو) و بين سمفونية حسام الرسام(اويا اويايييا اويا اوياييا)؟؟؟

ناقش الاشعار التالية و اشرحها شرحا مفصلا و اعربها مع ذكر القائل لكل بيت

لو نيوتن شايفك جان كال خرب حياتي
و لو قيس شافك جان كال خرب عمي 31 سنة اركض ورة ليلى تاليهة تكلي الراتب مو مالتي

و لو جابر ابن حيان لمحك جان كال تفو على الكيميا شجابهة علية
عمري كلة اسوي قانون تالي اسويه و يسجلوا باسم هندية

عاد لو ابو لهب لامحك جان شسوة
كل عمرة يركض ورة ام لهب تاليهة طلعت سعلوة

عرف ما ياتي:مع ذكر كيفية تحضير عصير كل اغنية
البرتقالة:
الرمانة:
التفاحة:
التفاحة2:
البيتنجانة:

الاسئلة العلمية

1-كول عشر مرات سريعة حوش بيتنة خوش حوش مع ذكر كم دجاجة في حوشكم و اذا تجيبلنة فد بيضة بيضتين رحم الله والديك؟؟؟
2-من القائل شرطي اكل جيس طرشي؟؟؟ و ما فائدة الطرشي العلمية و ما فائدة الشرطي الادبية؟؟؟
3-ما هو اصح وضع المولدة بالسطح؟؟؟ لو ورة البيت يم الدجاج؟؟؟ و اذا ما عدكم مولد كلي منين ساحبين و ابيش الامبير و باجر اني يمك
4-رتب مايجي حسب الاهمية مرة و تصاعديا مرة اخرى و اذا بيك حيل تنزللنة شوية لعد سويهة تنازليا هم مرة لخ يرحم هذاك الاب الطيب (احمد،صلاح،بكال،لبن، هيل(اهبك هيل)،دليمية،دايو،قرد ،فردي،بطانية)
5-لماذا لم تخفض وزارة التربية ساعات الدوام من ست ساعات الى ساعة و نص ؟؟؟اليست الشرطة في خدمة الشعب؟؟؟
ناقش العبارة التالية: الكلاص نص فارغ لو نص مليان؟؟؟ و شكو بيه؟؟؟ و شكد بي شكر؟؟؟ و هل اعجبك الشاي؟؟؟ و هل اكتفيت بالسكر؟؟؟ هاي ليش متحجي اتوسل بيك؟؟؟

عرف ما يجي:
يحيى الفخراني:
دافنشي لاو الله ما دافن شي)
عملية فتح المجاري:
الغازات الارضية)
ترك:ترك ابير و مفتاحة ظايع

الاسئلة التاريخية

طربك طربك طربك طربك ملاحظة(يرجى تنفيظ التراب قبل البدء بالجواب)

1-اشرح دستور العراق مفصلا مع ذكر المرحلة التي سبقت كتابة الدستور و نوع القلم الذي كتب به الدستور ؟؟؟
2-ماهو معدل طفيات الكهرباء عند اجدادنا القدماء؟؟؟ و اذا قسمنا عدد طفيات الكهرباء على عدد الايام اللي اجة بيهة المي شيطلعلنة الناتج؟؟؟
3- من نباوع فلم قديم مو يطلع ابيض و اسود يعني شنو اهلنة قبل جانوا ابيض و اسود؟؟؟
4-ليش يكولون على الشي القديم (حيييل من جان الجمل كيا) شنو اليابانيين جانوا موجودين قبل؟؟؟
5-ترك:حنان ترك

ناقش العبارة التالية:الكهرباء المطفية من امامكم و المي المكطوع من ورائكم و جبار ابو المحل يملص اذاناتكم(الدين صار مليوووووون)

عرف:
الحواسم:
الخميس الفاتشنو لعد مو صارلة اسبوع يعني صار من التاريخ)

عاشت الايادي يا ورده

مشكورة على الرد سوسو الوردة

احنا بالخدمه عيني

مشكووووووووووووووور وردة ع موضوع الرررررروعة
منووووووور منتدى التحشيش

يسلموووووووووووو
عالموضوع الروعة اسئلة تجنن
اسئلة البكلوريا العراقية2090(الله يعين الطلاب لا هواي راح يجابون) 223050d0d8xyflax

» شعر عن الطلاب المدارس
» لماذا يرسب الطلاب في الامتحانات ؟
» يصنف الطلاب والطالبات الى انواع انت ياصنف منهم
» ماذا يفعل الطلاب من الصين بعد انتهاء الموسم الدراسي؟
» احب ان اعايدكم انشاء الله اعده الله عليكم بالخير والمحبه والسعاده

اسئلة البكلوريا العراقية2090(الله يعين الطلاب لا هواي راح يجابون)

اسئلة البكلوريا العراقية2090(الله يعين الطلاب لا هواي راح يجابون)

مواضيع مماثلة

مواضيع مماثلة