رساله خاصه بقلم شاعر

يا خنجـــر غدر تطعن تضم الراس
ضنيتك صديق وعشت بوهامـــي
وضنيتك اخو وبيك اباهي الناس
ومتلمني فرحتي لو صرت گدامــي
ويلجنت اكلك انه عد عيناك
وقصتنه كتبتها بطيب أقلامــي
هالقصة أنتهت وما ضنها ترجع يوم
وما ريدن أشوفك حتى بحلامـي
تسحگ عالجرح وتگلي شنوه الصار
يــا صفحه سواد بدفتر أيامــي
وك تتفرج علي لمن لفاني الضــيم
وتتنطر عذابي ورايد اعدامــــي
طم نفسك يا خايب يابو سبع وجوه
اعرفك زين اعرفك لا تضن عامــــي
صح عطشى الشفايف وذبلن الوردات
وتعبان الگلب والجرح بيه دامـــي
بس صير انت النهر وبيديك اعذب ماي
ما أشرب أبد خليني أضل ضامــي
لان مايك شحيح وبيه طبعك المسموم
اعبر على النهر وأسحگك بجدامـي

تحيتي