فضيحه بنت لكن ليش افضحوها !؟

السلام عليكم ورحمة الله وبركاتة :)

أقول تراني مخترق جهازك ، واذا ماكلمتيني بنزل صورك ...

---

أقول تراني ماسك عليك صوره بالمسنجر ، قسم بالله بفضحك لو ماتسوين الي ابيه ..!

---

أقول انا جاي بكره ابيك تطلعين معي ولا بفضحك ..!

..

كلمات ترددت كثيرا ، وكلكم تعرفون مصدر الكلمات هذي .. انا مادري كيف ببدا الموضوع ولا ادري وش راح اتكلم فيه ، لكن الي راح يجي معي وبعقلي راح اقوله ...

الكلام موجه للشباب اول .. الى متى وانتم كذا !

الى متى وانتم تفضحون باعراض خلق الله !

الى متى والدين بعيد عنكم بعد السماء من الارض ، ولافكرتو بشي غير شهواتكم بس ..!

اهل وعندكم اهل ومربينكم احسن تربيه ،، دراسه ولاواحد فيكم جاهل كل واحد دارس وفاهم وعاقل ..طيب ليه كذا ؟

ليه تتردد الكلمات هذي عند اكثرنا ؟

شـرف ناس يا أدمي !

بتقولي والله ماني بـ ابوها اربيها اذا ابوها مارباها ماعلي منها ..

طيب انت الحين تقول ، ابوها واهلها ، انت وين اهلك ؟. وين ترتبيهم لك ؟ يعني تقول للناس اهلها ماربوها وانت اهلك وينهم منك !؟

ياشباب اقسم بالله انه فيه اشياء تدمع العين منها والقلب يتحسر عليها

شـرف عايله لها مكانتها يضيع من صوره بنتهم ، الي مبتزه من واحد ماهو كفو !

ياشباب فكرو مليون مره واوزنو الامور في روسكم ، تظنون بتظلون طول حياتكم [ ميع ميع طسر ] وذب وخرابيط وهكر !؟

بيجيكم يوم اقسم بجلال الله وعزته ، تندمون على كل لحظه .. قضيتوها بالنت وهذا حالكم .. تهديد فلانه ، ويافلانه سوي كذا ولا بفضحك .. ومادري ايش من الخرابيط هذي ، ياشباب تكفون اصحو ، ياشباب طفح الكيل يامسلمين دينكم في خطر الغرب كل يوم وكل جزئيه مابين الدقايق يفكرون كيف يدمرون اجيال العرب ، تدرون ليه اقسم بالله انهم خايفين انكم ترجعون لصوابكم .. وخايفين ان مبادئ الاسلام تتركز فيكم ، لان لو كل واحد مشى على مبادئ الاسلام اقسم بالله ، ان نحكم العالم بس طموحات الشباب اليوم وشهي !

والله ياولد فلانه ، ماسك عليها صوره ابي انزلها ، ولا والله ياولد فلانه بحاول اشبكها عشان تطلع معي

انت عارف وش معنى شـرف .. وانت تدنسه ، انت عارف وش معنى نهايه حياه انسانه !؟

انا كثرت بالكلام ، لكن ابيكم تفكرون بكلامي يمكن اكون على خطاء ، بس صدقوني مجمل كلامي صحيح .. وادري راح احصل معارضه ، منكم اني اوصف الشباب بالكلام هذا ، بس صدقوني والله ماقصد الجميع ، بس انا عارف ان فيه ناس معنا بالمنتدى هذي اطباعهم وهذي رساله لهم .. : )

---

تدرين فلان مسوي يحبني خليني العب عليه كم شهر وبسحب عليه

تدرين فلان تهاوش عشاني اليوم صدق انه غبي مسوي حبيب على راسي

تدرين خليني اعلق هالمسيكين يحب من قلبه ..

---

وهذي الجمل كم تردتت علينا وكم مره شفناها ؟

من بناتنا من امهات المستقبل ، من مربيات الاجيال القادمه ..

اذا هاذي اساس الاجيال القادمه ، وش تتوقعون من الاجيال القادمه ؟
تجيك وحده ، فلان نزل نكي فلان بحشرك ، !!!!!
انتي صاحيه لنفسك يوم تتكلمين مثل هالكلام ؟ اهلك ربوك على كذا ؟ لا والله ان الاهل ماقصرو فيكم .. ربو واتعبو ودرسو واصرفو واحرمو انفسهم من اشياء عشان يوفرون لكم كل شي تبونه بس النهايه وشهي .. على قوله بعض اخوانا [ زرع الصبخ ] ..

مافيه اي فايده ، طيب انتي ياالي تهايطين ، وانا البنت المهايطيه وانا وانا ، طيب ماخفتي يجي يوم من الايام يجي كل شي على راسك ؟

ماخفتي من اختراق يكون ابتزاز لك ؟ ماخفتي حد من اهلك يعرف عنك ..

جد انا ودي اسئل البنت الي تسوي الاشياء هذي ولعب بما حرم الله ، اهلك عارفين عنك انك تدخلين وتسبين وتلعنين وتجرحيين !
بتقولون الخطا من الاهل ليه يعطونهم نت ، طيب الاهل واثقين من عيالهم وبناتهم معطينهم النت عشان يتثقفون وانا اعتقد ان اي بيت خليجي الان مافيه لاب توب او كمبيوتر راح يكون بيت جهله مع احترامي للاسر المحافظه بس هذا الجد ..

الى متى وانتم ضحايا الشباب ، ولاجاء كل شي على روسكم ، قلتو والله مادرينا ، وتبكون وحالتكم حاله ، ليه ماتلصحون الخطاء قبل تطيحون فيه !

--

أخواني أخواتي .. انا ادري ان موضوعي متشتت ، وفيه افكار كثيره ، يمكن بعضكم ماراح يستوعبها ، بس انا صارلي موقف اليوم ، وانقهرت ولابيدي غير اني اكتب لكم ..

كل ماتمناه منكم ، تجاوبون على اسئلتي ..

[ 1- كلامي صح او غلط بان فيه شباب وبنات ضايعين وتايهين يحتاجون النصيحه عشان يرجعون لرشدهم ]

[ 2-تعتقدون الاهل قصرو مع بناتهم وعيالهم ، من ناحيه التربيه والاهتمام ] ..

[3- انا عارف ان اكثر المشاكل .. من عدم مراقبه الاهل لسير عمل ابنائهم على النت ، لكن وش الحلول الي تشوفون انها راح تحد من المشاكل هذي ] ..؟

ووللمره الثانيه ، الموضوع ماهو موجع للعموم ، هذا فقط لفئه .. أتمنى لهم الهداية

إن أصبت فمن الله وإن أخطائت فمن الشيطان ..

سبحانك الله وبحمدك استغفرك واتوب اليك ^.^

الله يبعدنه

عااااشت ايدك

اخي الغالي شاب جامعي

» تعالوا شوفوا البنات اول متعلموا على الحاسبه شلون((فضيحه))

فضيحه بنت لكن ليش افضحوها !؟

فضيحه بنت لكن ليش افضحوها !؟

مواضيع مماثلة

مواضيع مماثلة