دليمي طلب من كردي أن يطلعه قـﭽـغ من العراق .... فالكردي گله بسيته كاكا راح أخليك بالگونية واشيلك على زهري ... وصلوا للحدود وگفوا الكردي .. گلوله كاكا هازا شنو بالكونية ؟ گلهم كاكا هازا نعالات .. طلع الدليمي من الگونية .. گلله تخسسسسسسسسى

محشش اشتغل بالحرس الوطني گللوله هذا سلاح كلمن يمشي بالشارع بعد الساعة 11(منع تجول) تكتله . فات واحد ساعة 10 قتله گللوله ليش ؟ گال آني هذا اندل بيته بعيد ميوصل ساعة دعش

من أقوال مام جلال : ليش الخيار أخضر وطويل .......لأن لو مدور وأحمر ﭽـان صار تماتة

مصلاوي صعد بالطيارة من أربيل للسيليمانية وصل بـعشر دقايق ... گال لو أدري ﭽـان تمشيت

سألوا كردي شنو يعني السيفون گال ما أعرف بس هوة صندوگ بي مَي وبي حبل من أجرّه ينزل المَي لو اتلحگ اتغسّـل وﭽـك لو متلحگ

واحد عراقي من المهاجرين لسوريا لگه المصباح السحري بالشارع فركه ﭽـان يطلعله خادم المصباح گله الخادم شبيك لبيك ... گاله العراقي رحمة لوالديك ما ترجّع العراق لوضعيته الزينة مال گبل .... گلة المارد : دگوم ولك متشوفني طافر لسوريا

دليم بلندن ركبوا باص أبو طابقين .. اللي فوگ يدگ على اللي جوه يگوله : شگد دتمشون ؟ گاله : 80 .. وأنتم ؟ گال اللي فوگ : إحنا لحد هسة ما إجانا السايق

فارة سكرت گعدت الصبح شافت بزون ميت بصفها گالت أعرف نفسي من أسكر أسوي مشاكل

كردي و دليمي لعبوا شطرنج الملك مات من القهر

مرة شيخ ديضرب ضربة جزاء إجتي بالعارضة حسبوهة گول ليش ؟؟ يگولك إنما الأعمال بالنيات

مرة جلال الطلباني وعدنان الدليمي راحوا للصين ،، من وصلوا لهناكه شافوا الرئيس الصيني ديأشر بأصبعه للسمة فگال جلال هذا اشبيه ،، گلوله هذا ديتصل عبر الأقمار الصناعية ،، بعد ماكمّل الرئيس الصيني المكالمة باوع على عدنان الدليمي وشاف راسه يهتز گال هذا اشبيه ،، ﭽـان جلال يگول هذا يمكن إجته رسالة

هندي تعوذ من الشيطان ... طلعله الشيطان سطرة براشدي وگله: ما باقي علينا غير بس هالشكولات

إكتشف علماء بريطانيون أن الأبوبريص أصله تمساح! لكن قام بتربيته واحد مصلاوي