حبيـبتـي غيـمة ولا كل الغيـــــــوم

حبيـبتـي غيـمة ولا كل الغيـــــــوم
حبيبتي غيمة مظلة
ممطرة بكل الفصول
أمطارها حب ومشاعر
وأحاسيس وشعور
وهتانها ورد وزهور
وسحابها عطر وبخور
غيـمة ولا كل الغيـــــــوم
تحبني وتمـــــوت فيني
وساكنة بقلبي وعيني
احتوت زين الخصال بكل معانيها
والحياء أجمل صفة متأصلة فيها
كلها خجل
كلها دفء وحنان
كلها روعة وجمال
غيـمة ولا كل الغيـــــــوم
حبيبتي أحلى بنــــــــات الكـــــــون
تجيــني بلهفة وشوق يملا العيـــون
وتضمنـي بالحيــــل للقلب الحنــون
كلها رقـــــــة ونعـــومة
وهمسهــــا كله عذوبـــة
مذهلـــــــة
غيـمة ولا كل الغيـــــــوم
رقتها مثل رقة قلــوب العصـــافير
وكفوفها ناعمة مثل لمس الحرير
من زينها تخجل جميع الغناديـــر
غيـمة ولا كل الغيـــــــوم

إذا شفتها تقبل علي
أحس إن المطر جـــــاني
والخير كله صـــــار قدامي
أخ .. من ابتسامة شفــايفهــا
لها ابتســـامة رائعـــــــة
ينبلج منها الصباح
وتشرق أنواره
وأسنانها حبات لؤلؤ
وشفـآيفهــا ورود
وكل الورود تغار من الثغر الخجول
إذا انحنت عليّ بشعرها الليلي الطويل
شفتها قمرا بيضوي نورها ليلي العتيم
رعشة هدبها تآخذني معاها بعيد
وأبحر في بحر عيونها شيخة الغيد
مجدافي رمش ٍ ناعس ٍ مكحول
سبحــان مــن صــاغها بذاك الجمــــال
حورية بيـن الحور كاملة ولله الكمــــال
وكأنها ملاك بحسنها الفتان
وخدودها مثل الشفق وقت الأصيل
وسمائها تهطل على قلبي مطر ماله مثيل
يا زينها
غيمة جميلة ورائعة
متفننة في حبها وبارعة

غيـمة ولا كل الغيـــــــوم

بحسنها وجمالها وزود الدلآل
والحياء يطغى على كل الخصال
غيـمة ولا كل الغيـــــــوم
لا اختفت عني النوم جافاني
وأجلس حزين لفراقها أعاني
ألعين يضنيها السهر
والقلب تشقيه الفكر
والروح يساورها الكدر
أطيافها تطوف حولي وقبالي
وصورتها ما تغيب عن بالي
ما تبتعد عن فكري وخيالي
غيـمة ولا كل الغيـــــــوم
أحيان أخاف احسد نفسي عليها
أحبهــــــا حيـــــــل وأهواهــــــا
وبكل ما فيني أعشق حتى ماطاها
أنا متيم بحبها وأموت بهواها
غيـمة ولا كل الغيـــــــوم
ولو تطلب مني خيوط الشمس
أقدمها لها بيديني
وانسج لها منها طرحة وشال
لو تبي مني عقد من النجوم
أقدمه لها وأنا شاكر وممنون
وأخليه حلية تزين صدرها الدافي الحنون
هي كل حياتي وعالمي المجنون
هي اللي تلهمني الخواطر والشعر
ومن دونها أصبح بليد
لا اعرف اكتب هالكلآم
ولا حتى أتهجى الحروف
هي حيـــاتي وأمنيـــاتي كله
فديتهــــــــا
أروع بنات حواء على مر السنين
حبيــــــبتي

غيمة جميلة ورائعة
متفننة في حبها وبارعة

يسلمووو يا اكثر من مبدع ع صياغة الموضوع بهذا الجمال والابداع دومك مبدع يا غالي يسعدني ان اكون اول من يرد على صفحاتك المتلئلة بالحب والجمال
دمت بكل خير

منوره د نـــــــــــــــــــــــــــــــــــــــو الموضوع بطلتك العطره
ومشكوره على الردود الاجمل
ومشكوره على تواصلك المستمر