من الالف للياء كاتب كلبي بيج
يالابد بالكون ما مثلج شخص
انتي مثل الماي يروي الكائنات
وكل شخص يتعنه الج لمن يغص
جان كلبي مدلل ويمشي بهواه
لجن من حباج احس صار بقفص
راح امشي انه وبعد ماراح اجيج
وخلصت عمري ترانه بهل القصص
بس انه المغلوب ثاري وما دريت
لان حبج زاد بية وما نقص


بعد كافي القصص ياريم شنكص
المكص فلين بالفولاذ شنكص
انه من محبتج بعد شنكص
احس قاطات حبج زاد بية

وحس بس وياج بالحب والحنان
وحظنج الدافي ينسيني القهر
ما اريد الليل لن شعرج ظلام
وبس اطره من الوجه ينطر فجر
عمري لحظة وياج لو نكعد سنين
ولون كل ليلة نخلصهه سهر
الشمس منج غايرة ورادت تجيج
ومن ضوة خدودج خجل حتى الكمر
طلب رايد واطلب بشوك وحنين
كون صدري يشابك لهذا الصدر


بقصر حبج اريد ادخل وطلبه
وحملت همومه والآمه وطلبه
ردت منج فرد عازة وطلبه
اشبكج والصدر مابين ادية


اخوكم الشاعر قاسم الساعدي