القــلب يشكــي من هوى كــامل الزيــن

القــلب يشكــي من هوى كــامل الزيــن ...

القلب يشكي من هوى كامل الزين
غر وعقب فرقاه حالي خطيره

اسهر وكل الناس هجعا وغافين
ويسري بي الهوجاس في كل ديره

ياناس أنا الشاكي من البعد والبين
والقلب يخفي ونته من ضميره

يون ونة من رموه المعادين
والا ونين اللي عظامه كسيره

شاعوه بدو في ضحا اليوم مقفين
اخايلهم ودموع عيني غزيره

من عقب ماهم في جميرا مقيمين
شدوا ونيتهم مشافي سديره

فوق الذي موديله الفين وثنين
استيش ليامرك يجفل صفيره

من وارد ابن فطيم ولوحاته العين
حدره طويل الطرق تصبح قصيره

شدوا عليه وساقو الذود عجلين
يالله عساهم للدروب السفيره

من عقبهم ليلي غدى اليوم ليلين
والعين من فرقا الولايف سهيره

ياناس أنا قلبي غدى بين همين
هم(السفر) وهم (فرقا عشيره)

ياوجد حالي من فرقا المحبين
وجد اليتيم اللى حياته عسيره

من عقب ابوه امه توفت بشهرين
ولاله بني عمن ولاله عشيره

شاف الفقر والهم والغم والدين
يالله دخيلك صار همه خشيره

كنه يطعن في فواده سكاكين
ودنياه شانت والليالي مريره

هذا وجودي عقب مدعوجة العين
اللى كما وصف الهنوف الصغيره

راعي العيون السود قرن الحاجبـين
وخشمن كما سلة سيوفٍ شطيره

ومجدلٍ مثل الذهب فوق متنين
أو ذيل شقرا في نهار المغيره

خذت من خشوف المها بس وصفين
جيده وعينه لأجفلت مستذيره

وشفايف كالورد وسط البساتين
ياما حلا ياناس شمة عبيره

وخده بياض بحمرتن بين لونين
وفي وسط خده شامتن مستديره

والنهد كالفنجان مكفي على الصين
واللبه اللي كالبدر مستنيره

هافي حشا ماغير كتفٍ وردفين
لاقام يمشي تل قلبي مسيره

شاخت على كل البنات المزايين
ماله شبيه في ربوع الجزيره

جتني تودعني وأنا خاطري شين
وأقفت توادعني ودموعي غزيره

والسموحه ...

شكرا على الموضوع

يسلمووووووووووووووووووو اسير على الموضوع الرائع

liza simpson

Free Cat

اقتباس :: يسعدني مروركم العطر
ومشكورين على الدود الاجمل نورتو صفحتي حبايب