[b]انوح باب بيتك ما شفتني
تريد تفتني خايب ماشي فتني
لحن حبك عزفته ما شفت ناي
يصيح بصوت احبك للمنيه
#@$$%$@#^%$#@#$%
اذا الخل لم يهجرك الا ملالة
فليس له الا الفراق عتاب

الغني مو بشكثر ديناره ويملك
يوم الوكت ضد حظك ويوم الك
اذا فاركك خلك لان يملاك
عاتب بلفراك وهاي هيه

هذا للحبيبتي اسراء الخانتني كتبته الهه
وحق من اعرج بعبده واسره
لحط كلبك وسط كلبي واسره
اموت وما احب وحده ويه اسراء
لان حبهه الي رمز وهويه
هذولي كلهم الي وذني مو الي

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه

[b]ارجو ان تنال رضاكم واعجابكم وشنو رايكم بلابوذيه مالاتي

مشكور اسير الدموع على هذه الابوذيات الجميله

يسلمو كلش حلوووو

تحياتي....

مـؤَلم جداً
عِنَدَمّا تَضَع [الْطَّيِّبَة وَالاخلاص] لَهُم ،
!! وَهُم يَضَعُونَك فِي قَائِمَة الانْتِظَار
مَتَى مَا كَسَاهُم الْمَلَل
أَتَو لِيَبْحَثُوْا عنك …
تحياتي

روووووووووووعه

شكراااااااااااااااااااااااااا

شكرا على المجهود المتميز