احببت ان انشر هذا اليوم قصيدة غاليه على قلبي لقد كتبت هذه القصيده عند ما اعتقل والدي ودخل الى السجن كانت اوقات قاسيه بالنسبه لي لان والدي لم يكن والدي فقط بل حبيبي ومعشوق قلبي وصديقي هو منبع من الحنان والوداد فكتبت له قصيده تقول
نزفن جروحي يبويه من يوم الي ارحلت
وتبرن جفوني من سواد عيوني لان بيك تعلقت
ماتدري اني بغيابك اشكد اتلوعت وتمرمرت
جبال ابهيبتها انهدت من بقوامك اعرفت
كافي يابويه جرحي غمج وبيه اني تعمقت
انهدم حيلي وخلص صبري تراني من يوم البي سافرت
عاجز احس روحي وبسناسل اني تقيدت
وانحبسن انفاسي تراني وكت البي اجيت اتنفست
شفت اشكد احبك يغالي يالجزء من حياتي اصبحت
جسر المحبتك اصيرا وتمشي مايل فوكاي لوردت
غالي بختامي اكلك وابيع الروح لو اشرت
وغيابي لو كتلي تلكاني بسرعه البرق تنازلت
جفنت الروح بسواد اليل لان اصل البياض انت جنت
بس يوم الي شفتك بطولك اهنا بحمر واخظر انا زورقت
ومن انمزجت الواني صرت اشاره مرور والعدوانك اتنطرت
لان ماعندي بشر بغلاتك ولا لغيرك ملت
شمس بسماي تصير و وردة انا بغيابك اذبلت
لان تعرف ورد الصباح لو تطلعت عليه بنضره وحدة ايكلك فتحت
بعد شوصفك اكثر من هيجي تعبت ايدي بكد ما اكتبت
كمر ليل وشمس ضحى قبل شويه انا ذكرت
غالي بغلات الروح وتاج اعلى راسك لو ردت اكلك والله اصبحت



حقوق النشر محفوظة لشاعرة غرام السامرائي

شكرا

شكر ع الموضوع

كل الشكر اللك اخي وسط القلب مهما فعلنه فنحن مقصرين بحقهم وفالاب والام هما الذين تعبا علينا في وقت مرضنا وسهرو علينا ونحن مهما فعلنا لانستطيع ان نوفيهم حقوق





وكل الشكر الى سوسه عراق



والشكرالى قلب بلا نبض