يمته من الدمع ياعين تصفين او يمته الحزن ياقلبي ينساني
اشم الثوب ضاعت ريحة الطيبين ولا طارش يمر ساعة احزاني
جبل هذا القهر فوك الصدر يفلان عمت عين الوكت من ضيع اخواني
تبده الفرح فوك الرمال او ضاع ياكاس النشربه اليوم لو جاني
او ياثوب النعيد بيه لو صبح العيد روح افتح الديلاب بس وصله اكفاني
عشت كل العمر رمضان وسحور او خلص كل العمر او ماخلص رمضاني
اداوم عالصبر وامسح مصب العين او عله اسفوح الوجه واتفيض نهراني
كبرنه اعله القهر وارضعنه صدر الضيم او يمر ليل الحزن واحد وره الثاني
نعيش اليوم او ندري الامس مذبوح او باجر فقير ايجدي اعله بيباني
هيج الزمان ايريد مو ذنبي لو جنيت واكتب عالجبين ابخوف مجهول عنواني
انه ابن الليالي الضاع منه نجوم او صفه ابليله الكمر مخسوف ويعاني
انه ابن الجداول الماضاك رشفه او عاش او عله اجروف النهر ضليت ضمياني
انه ابن الجبال العاش بالوديان او عله اتراب الوطن مذبوح شرياني
انه ابن النخيل الما ظللته افياي او ظللت كل العرب اشجار بستاني
انه ابن الخير الماضاك طعمه ابيوم او غرك بافضال خيري اولاد جيراني
عزيز الروح ميسوكه ياهو الجان او موكلمن يهذري انكول فناني
المهره الاصيله اتريد بس خيال واشمايركب المهموش ميلوح نعلاني
الي ابهذا الوطن بس الله والعباس اومادنكيت الراس اشما يعله سجاني




اتمنى من الله ان تلاقي استحسانكم واعجابكم ...............................

اقتباس :

انه ابن الليالي الضاع منه نجوم او صفه ابليله الكمر مخسوف ويعاني
انه ابن الجداول الماضاك رشفه او عاش او عله اجروف النهر ضليت ضمياني
انه ابن الجبال العاش بالوديان او عله اتراب الوطن مذبوح شرياني
انه ابن النخيل الما ظللته افياي او ظللت كل العرب اشجار بستاني
انه ابن الخير الماضاك طعمه ابيوم او غرك بافضال خيري اولاد جيراني
عزيز الروح ميسوكه ياهو الجان او موكلمن يهذري انكول فناني
المهره الاصيله اتريد بس خيال واشمايركب المهموش ميلوح نعلاني
الي ابهذا الوطن بس الله والعباس اومادنكيت الراس اشما يعله سجاني

مشكوووووووووره جميل والله جميل ويسلموووووووووووو على الكلام الحلو