ــمواصفات الرجل الخائنـــــــــــــــــ
.
.
.
.
....
.
أولاً - موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه) .

ثانياً - كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري .

ثالثاً - من يوصل للبيت يخلي موبايله على (الصامت)... والله شنو... ما اريد أحد يزعجني!!!...

رابعاً - إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل...

خامساً - إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة (كاررررررررثة !!!).

سادساً - عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو ألي بعبه طلي يمعمع

سابعاً - أكو (إرتباط شرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت

ثامناً - يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو...

تاسعاً - الأسماء في موبايلة غريبة مثل - الفيترجي... التنكجي... أبو المولدة... أبو الحصة - يعني أزهار... هناء... فائزة... ميسون

عاشراً - ما يمنعج من الروحة لأي مكان... للسوك، للنادي، يم صديقاتج... المهم متبقين يمه حتى ياخذ راحته... وإنتي كمش متصدكين.. راساً تتطلعين

أحد عشر - إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)... وإنتي طبعاً ما اتصدكين وتسمعين كلامه

اثنا عشر - من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبج.. والله شنو!!!!... زعلان منج.

ثلاثة عشر - من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض

أربعة عشر - كل كلامه ويه جماعته بالألغاز... لأن كلهم على شاكلته.. كل مواضيعهم عن بنات

الخلاصة :-
اذا توفرت في زوجج 3 حالات من الحالات السابقة: تره إنتي تتوهمين تعوذي من الشيطان الرجيم بس انتبهي
اذا توفرت في زوجج 5حالات من الحالات السابقة: خافي على زوجج وابدي شكي بتصرفاته
اذا توفرت في زوجج 8حالات من الحالات السابقة: اكيييد انه يخونج لو يريد يتزوج عليج
اذا توفرت في زوجج 10حالات من الحالات السابقة: اقطع إيديناتي الاثنين اذا ما كان خاينج أو متزوج بوحده لخ
أما إذا اتوفرت كل الحالات الـ 14بزوجج : عيوني.. لمي غراضج وروحي لبيت اهلج... حالتج ميؤوس منه

شكرا لك

شكرا على الموضوع

عفوا صقر

هههههههههههههههههه
مودي المفروض تنشر الموضوع بمنتدى المرأه حتى يستفادون منه

لوزه كتب:

هههههههههههههههههه
مودي المفروض تنشر الموضوع بمنتدى المرأه حتى يستفادون منه

هههههههههههههههه لوزره عيوني عادي وين ماراح انشره راح يشوفه

يسلموووووووووووووووووووووو على المرور الرائع

loola كتب:

مووووووووووووووووووودي شكرا الموضوع ياخذ العقل

انتي الي بتاخذي العقل عيوني لولا عفوا على احلى مرور

يسلمووووووووو موووودي ع الموضوع الجميل

تسلم ياورد.

حروف الحب كتب:

يسلمووووووووو موووودي ع الموضوع الجميل

اســـــ الذكريات ـــــير كتب:

يسلمووو على الموضوع الاكثر من روعه
ومشكور على المشاركه الاجمل منور والله المنتدى بمواضيعك العطره استمر بعطائك الميمون

عفوا اسير منورني عيوني انته

موودي الله يبعدنا عن الخياااااانة

يسلموووو عالموضووع الحلوووو

موضوع جميل ولو كشفتنه بس عاشت ايدك