(مصارحه طالب شجاع) تعاو شوفو عمرة خسارة الميفوت


هلو حشاش هلو حشاشة
شلونكم بعد شلونكم كلكم شلونكم
اليوم جايبلكم تحشيش مال اول


من معلومات استخباراتيه عرفت انه (المجني عليها ) تجي من الساعه بلثمانيه للكليه ....( طبعا ثمانيه االصبح مو العصر) .
فاني من السته وصلت للموقع المذكور وبديت بلتمركز ونصب الحواجز وحفر الخنادق بانتظار جيه الخاتون . وبعد مرور الساعات ......
مر احد الزملاء وكلي ......ولك هيه تجي من الباب الامامي اشعندك واكف بلخلفي .....طبعا ما احجيلكم عل صدمه وكلت اي صدك ( عززززززززززززززززه) وطبعا همزين جنت لابس ( بوتين ) وانطلقت كلبرق وحطمت كل قوانين الجاذبيه بلتقمز مالتي الا ان وصل للباب الامامي مقطوع الانفاس....
وبهاي اللحظه سمعت صوت نغمه الكعب العالي الي احبها (طااااااااااك طييييييك طااااااااااك طييييييييك )
وبسرعه بديت اسوي التعديلات. واوخر اوراق الشجر وبقايا الناس الي جلبت بيه اني وددا اركض .
وظلت البنيه تتقرب واني بديت اباوع بلسما علساس يعني اني مدا انتظرها.... واني تره واكف اهنا دا احسب عصافير مثلا .
الا ان وصلت يمي............................


7
7
7
البنيه...........هلوووووووووووووووووووووو
اني ............هلوووووووووووووووووو عيني
(هلو روحي ....... هلو قلبي.........هلو حبي)
طبعا الي بين الاقواس جنت دا اكولها ابقلبي
اني او (الشاب الي يخبل)................
هااااااي شنون صدفه انتي هم تجين من الباب الامامي وهم تجين ساعه ثمانيه مثلي بلضبط سبحان الله .....
وهيه كامت تضحك ما ادري ليش من كل عقلها عبالها يمكن دا جذب عليها
ــــــــــــــــــــــــــــــــــــــــــــــــــ ــــ
المهم ضلينه نمشي بلكراج ونسولف في مواضيع فطيره كلش كلش .حتى شويه تهده اعصابي واتشجع وحسيت انه بعد هاي هيه استحقت وبعد راح اوصل للقسم وهناك تنلاص وهاي فرصتي الوحيده والسنه راح تخلص وما اشوووووفها.......



ــــــــــــــــــــــــــــــــــــــــــــــــــ ـــــــــــــــــــــــ
اني او (الشاب الوسيم).......... اكلج تدرين اني جنت واكف اهنا مو صدفه اني جنت دا انتظرج اريد احجي وياج ابموضوع غريب شويه
البنيه............................ ( اشو مكالت شي)
اني او (الشاب المثالي)..........يعني تعرفين اني صارلي اربع سنين بلجامعه..وطبعا اشكد حاااااااجي ويه بنااااات
(تدرون يعني الواحد ابهيجي مواقف لازم يججذب ويبالغ شويه) ......
وشكد متعرف على بناااااااااااااات (وطبعا اكيد هاي هم جذب) ....
وشكد متشاقي ويه بنات (وهاي هم جذب ديله بقت عليها) ......
وحتى مرات من اضوج اتحارش ابنات(اي بس هاي صدك) ........
بس صدكيني ماكو احد اثر بيه مثثثثثثثثثثثثثثثثثثثثثثلج
(ومثلج ثقلتها بلاخير مو جانت الدنيا بارده)


اني او( الشاب الحلو)....اني مراح اكلج اني معجب بيج لو دا افكر بيج اني كل هاي المراحل عبرتها.....اني احببببببببببببببببببببببببببببببببببببببببج....
(وهم ثقلتها بلاخير حتى اتصدك)




طبعا صارت لحظات صمت بس مبتسمين مدري ليش يمكن هيجي غباء



اني او (الشاب الي يهمبل).......واريدج ابكل صراحه اتجاوبيني هيجي كليلي شكو ابالج طلعيه بلا كلاوات البنات .... بس اتخيلي الموضوع ابالج شوفيها ترهم لو لا



البنيه..............(اخيرا حجت والله اني عبالي ماتت من الفرحه)....

اي اني اعرف انته مو طبيعي ويايا ............
(موطبيعي يعني مو قصدها مخبل تره لا.... اهنا قصدها يعني اداريها شويه)


اني او (الشاب الي يهستر)..... اي زين يعني صارت زحمه حسيتي بيه واني صارلي اربع سنين افكر بيج .....
بس هس اريدج ابكل بساطه اتجاوبيني وبكل وضوح صدكيني اني بعد ما اتحمل .......
جاوبيني ابكلمه وحده لو اي ...لو........... نعم ............... قصدي لو لا



وسادت لحظات من الصمت يمكن على ارواح الشهداء



البنيه.................منذر (طبعا اني منذر هذا توضيح للي فهمه ثكيل شويه) ...........
منذر انته خوش ولد
(وحباب ومؤدب وحلو ودمك خفيف وذكي ورومانسي)
وميت ابنيه تتمناك ............... طبعا الي بين الاقواس اضافات من عندي.


وسكتت.............عزززززززه .......من تسمع هيجي حجي كول بوري
طبعا من صدك حسيت قلبي هم سكت ويه حجيها...وبقت ادعي يارب اتكمل يارب تحجي وشويه وادمع
(اذا اتحب من صدك تره هم هيجي يصير بيك)


اني او (الشااااااااااااب الي راح يبجي).............اي عيني ادري ميت بنيه تتمناني .............. بس المهم عندي انتي من ضمنهم..............



اشو كامت تضحك ودير وجها يسره ويمنه وتحوص وعبالك اتريد اتكول شي ومستحيه


البنيه..............ههههههههههه زين ميخالف ااشر ابراسي


اني او( الشاب الي راح يغمى عليه)...........دسوي اي شي اتهزين راسج اتهزين ركبه اتهزين جتف اااااااي شي بس جاوبيني مو انكتلت


البنيه.....هزت راسها ليفوك وليجوه مثل الاي يعني...........طبعا اني راسا سمعت صوت الهلاهل..........زبس بعدين اتهزه يسره ويمنه مثل الي دتكول لا


اني او( الشاب الي صار اعصاب).......ووالله لوما احبج من صدك جان ضربت فد (كله) اوصلج بيها للقسم


البنيه ...........ههههههههههههه ..........ياسر اتريد الصراحه تدري اني بعدني طالبه وممفكره ابهيجي مواضيع ........وما ادري ليش اخاف اكلك اااااااااااااااااااااااااااااااااااااااااااااااااا ااااي....
وانته الك معزه خاصه وصدكني انته اول واحد راح افكر بيه


اني (او الشاب الحاير)............. صدكيني اشمجان جوابج اني مراح اضوج او احقد . بعكس جانت تجربه حلوه كلش وراح ابقى اتذكر ايام الكليه من وراج
وبلمستقبل اذا فكرت ببنيه فاكيد لانه بيها شي ايذكرني بيج.........


البنيه.......................وبنظرات حلوه وغريبه ( يمكن انصدمت من هذا الحجي ...يعني معبالها اني واصل الهل مرحله).....
.ياسر عود تعال بلخامس تعال احجي ويايا......وراحت ركض واني ضليت اباوع عليها الا ان انجبحت



7
7
7


أتمنى ان ينال الموضوع أعجابكم حبايبي
مو تغلسون على الردود
تحياتي الكوم كولكوم

[b]

هههههههههههههههههههههههههه عاشت ايدك كلش حلوة

دلوعة خوالي كتب:

هههههههههههههههههههههههههه عاشت ايدك كلش حلوة

وسادت لحظات من الصمت يمكن على ارواح الشهداء

هههههههههههههههههه
شكرا جزيلا مودي والله والله ضحكت من كل قلبي
الله يخليك استمر بهيج مواضيع تضحك

تسلم ايدك