يا أنت ياللي تمسك الموت بيديك
ماهي رجولة مسكتك للسجاره
ذاك الزفير اللي يودعك.. بـيجيك
في شهقةٍ تحمل معاها غباره
تولع الدخـان حتى ( يطفيك )
تضر نفسك و مجالسينك و أهليك
و يكفي على ( الباكيت ) تقرا عبـاره
تحذير صحي : المرض منه يأتيك
و كانك تريد الموت ؟؟ خذه بجداره !
و يـابنت مسكتك المعسل تخليك
شينه و تبعد بك عن أرض الطهـاره
وإن كـان ربي حط بحشاك غاليك
مـات و تسمم قبل يطلع لداره !
و الله مـاتلقى بني آدم من يواسيك
لاصار ( للكانسر ) في صدرك أمـاره
لاتحسب علاج الأطبه يداويك
أقلع .. قبل لا تذوق طعم المراره
تشفط سجـاره والمنادي يناديك
وفي باب بيت الله تطفي السجـاره !
شيٍ بنعلك تدوسه دوم .. وش فيك ؟!
سيجاره ..}
يا ابن الذين ذا دليل القذاره
و ما دام ماترضى أحد يوم يأذيك
( لا تأذي ) مصلٍ خشوعه شعـاره
بـ ( 500دينار) تـبـيـع نفسك لشـاريك
الدكان .. اللي كل همه .. تجاره
و لا شح عندك .. تسأل الناس تعطيك !
تـتوسله يأذيك .. هذي شطاره ؟؟
من قال لك شرب السجاير يسليك ؟؟
بـيزيد همك .. هم .. و يقـيـد ناره !
ما تدري إنه ناااااار في الصدر تكويك ؟؟
و كم شايبٍ في الناس تذهب وقـاره ؟؟
إما ردعك اللي يقوله محاكيك
( أرجع لنفسك) و أحسب الأمر تاره
ويا التـاجر اللي منك ضاعت مباديك
ربحك من الدخان .. ذنب و خسـاره !!
ياأخي أمتـثــل للحق في أمر بـاريك
درب الهدى .. وش له تغير مسـاره ؟؟
*** *** ***
اخوتي في الله ،،
الدين النصيحة ..
وهذه نصيحة أقدمها لكل المدخنين
وأدعوهم إلى ترك التخدين .. والإقلاع عنه
فالله سبحانه وتعالى .. وهبك الصحة والعافية
وخلقك في أحسن تقويم ..
فلمَ تجني على هذه النعمة العظيمة ؟؟
وتدمر نفسك .. بنفسك ؟؟
موضوع: ماهي رجولة مسكتك للسجاره 
