بسم الله الرحمن الرحيم
اليوم جبتلكم ابو ذيات روعة
اتمنى تنال اعجابكم




مشيت ومعرفت قصدك ونة وياك وذا ونيت احس كلبي ون وياك على يدي جانت الدنية ونة وياك عفتني وطاحت الدنية من ادية






يروحي بمحبتي للغالين شهدي انه النحله النحيله وخلص شهدي حرت للغالين غير الورد شهدي الورد بس للورد يصلح هديه






بخلافك بعد اسامرمن وانادم ومتحسر اعلة شوفتك ونادم عيون الناس مي تجري وانا دم بجيت اهموم من فركاك الية






سجاجين الدهر بيدك وحدنة و عبرنة حدود من بعدك وحدنة تعال ثنين خلي نكعد وحدنة و اسولف عليك والله مو عليه






يون الكلب وتاثر بما ان وتشب الروح ماتطفي بمأن طحت كدامك وكتلي بما ان طلبت العون مني اتبوس ادية






فصوص العين فص يمي وفص لك يامن يوسف انت اصلك وفصلك اخيطلك بايدي تدريني وافصلك واجيبك فيت يل ترهم عليه






مزنجر قفل كلبي عليك شفتك تبريد حيلي والله بيوم شفتك سبحان الرسم عالوجه شفتك الحلاه خلاها الك والضيم اليه






صخر كلبك عليه بالجذب لاحن وآنه جروحي للشمات لاحن سهامك ماخطني ولك لاحن دليلي وصار كل وذره بنويه.






انا وروحي اجيتك ونتختل حسافه الجبل دنك وانتخى التل الفرح بيدي لزمته وانته اخذت الفرح مني وبقى حزنك بيه






اليحب وحدة ويضل ساكت تراهم ويجر حسرات اذا عينة تراهم تعال وكلب كليبي ترة هام الك يما يحس كلبك علية






مر وانته حلاتك من تمرنه مر وانته حلاتك من تمرنه مر وانته حلاتك من تمرنه تمرنه شوكت؟ من تدني المنيه






بالعراق صارت كبوة ونكسة ومالكَينا هدوم بيها ندفى ونكسة أوف يالدنيا تراج شكثر نكَسة حزن حتى الفرات ونشف مية






ثكيل الحزن خوية وانت خينا وزامطنا بلبنا وانتخينا اشعجب تنكر خويتك وانت خينا الف وسفه على الاخو الباع اخية






شفت شمات شاللهم شــــملهم شمل شترك شعوفنهم شــــــملهم شنو شامت شجاهـــم شم شملهم شنو شايف شفايفهم شفية






تعال انظر شعر خلي منسل دمع عيني المايبطل من السل شكوش اصعب مرض كلي من السل سل اعضاي من فركاه ليه






ما اضعف واطخ راسي لواني همت والشوك والعشرة لوني احب والي يحب يسمع لوني مثل داخل حسن وانتي شجية






تصيح الناس بسك من ادردم ولاتدري بدليلي منه در دم بخلت بدم علية من ندر دم وعفتني انزف يصاحب علوطية






عقد ياقوت ذرعانك وفضه على المخلوق طش حسنك وفضه حسابي وياك أريد اكعد وفضه وأحجي اللي علي والموعليه






انا العايش بأمل روحي واملكم وابد مايوم اعوفنكم واملكم الكلب لو لحظه ينساكم ويملكم اكص كلبي واشمره بهاي اديه






يكلبي اصار ودموعك تهل هل وعلي متريد شوفتهم تهل هل كمت ودموعك بعينك تهلهل لان طارش وصل منهم الية


انتظر الردود يا حلوين

نورتيني
بردك الحلو

يسسسسسسسسسسسسسسلمو

يسلمووو
والله منوره
على راسي اختي