طويناها صفحتك وانتهه الموضوع
فعل ماضي صفيت وخلصت المده
اشتتوقع ابوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن ما نخيتك من طحت عمده
توجيت اعله جرحي وما طلبت العون
لان ادري اليطيح اجفوفه لتسنده
صح الكمر اكبر وانجوم ازغار
بس تحله السمه مو بالكمر وحده
واذا ساكت تره مو لان ما اكوا لسان
مرات الصمت من الحجي ابده
وجف المايصافح جفك بالحساس
لاتعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ما صدك بعد دمعاتك من اطيح
هم يهمل دمعهه العين لو رمده
روح بلا وداع وكل اثر ما ريد
اليكتب على الرمل يعرف قدر كتبه