تحيااتي الى جيع الطلبه الي تخرجوا من السادس الاعدادي (وناوين يدخلون الكيه )ومبروك على النجاح
اكيد متلهفين للكليه وحابين تروحون هناك باسرع وقت
وقسم مترددين ويفكرون شلون راح يتصرفون بالحياة الجديده
طبعا انتو بمرحله اكيد تعبتوا يله وصلتوا الها يعني مو من اول صعوبه تواجهكم (انشاله متواجهون اي مشاكل) تيأسوا
اكيد اي واحد يبدي بطريق جديد راح يواجهه صعوبات بس اتمنى ماتتذمروا لاتنسوا ان الكليه حلوه بس حاولوا تكسبوا الاصدقاء المناسبين الكم
واهم شي لاتنجرفوا لظاهرة (ضرب المحاضرات)
اوك تونسوا وعيشوا الحياة الجامعيه بس وفقوا بين الدراسه والونسه .....واحلى شي اذا كان بامكانكم ان تخلوا الدراسه ايضا ونسه(انتبهوا للدراسه الجماعيه)
ياريت كل واحد يخلي بباله انه السنه الاولى حقل تجارب
راح تشوفون ايام حلوه بالجامعه وحاولوا تتناسون المشاكل والصعوبات الي تواجهوها
اتمنى انه اي احد عنده معلومه مفيده يضيفها بالرد وبذلك نكون قدمنا احلى مساعده
بالتوفيق للجميع انشاله

الله يسلمك اسير هذا من ذوقك

حبيبتي ليزرية بدون مجاملة موضوعج حلو لانه يناقش اهم مرحلة بالحياة الدراسية
ومن بعد اذنج اريد اقول للكلاب الجدد والله الكلية حلوة عيشوها ببساطتها وابتعدو عن الاختلاط المبالغ بيه بين الشباب والبنات
ونصيحتي للبنات خصوصا ابد ابد ابد لا تصدقين اذا شاب كالج انا اعتبرج نفس اختي لان مستحيل الشاب يعتبر اي بنت نفس اخته
والا راح يتزوج منو؟اذا كلهن خواته
على فكرة انا اتكلم من ناحية تفكيري اما بالنسبة الكم اكيد الوضع يختلف وخصوصا بغداد لان انتو منفتحين اكثر بهواي من البصرة وانا هذا الشي ابدا ما يعجبني
اقصد ان الحياة الجامعية فعلا حلوة ولازم نتونس بيها ونعيش كل لحظاتها بسرور بس مو على حساب الدين والاخلاق وثقة الاهل

رجاءً تقبلوا كلامي برحابة صدر

(اقصد ان الحياة الجامعية فعلا حلوة ولازم نتونس بيها ونعيش كل لحظاتها بسرور بس مو على حساب الدين والاخلاق وثقة الاهل)

عن نفسي اكيد اتقبل كلامج برحابة صدر .. :>:D<: شكرا الج الف شكرا حبيبتي
والله ضفتي على الموضوع معلومات جميله
انا اوافقك الراي انه نتجنب ان نعطي الثقه لاي واحد كان اول شي لازم نعرف ونتاكد انه (البنت او الولد)الي نعطي الثقه يكون كدها
وشكرا الك مره ثانيه
نورتي الموضوع

شكرا على الموضوع

شكرا ع الموضوع

شكرا الك صقر
شكرا الج سوسو
نورتوا الموضوع