ماكو مثل العراقية يموت

ماكو مثل العراقيه

من تمشي بالشارع الكل تاخذ تحيّه
من تكلّلهه: جنت مريض
شمحلاهه بحلكهة: سوده عليّه
تتحملّك لو الحجّاج تصير
وتكلّك: فدوه اروحلك احسبهه عليّه
كلبهه جبير
يمكن اكبر من الملويه
أبد ما شالت خشمهه
اذا كالت احبّك
يعني خلص
تصير لك حبيبه و صديقه و أم و أخت
و تخدمك و متكول معليّه
وحتى لو ردت- تغسلّي رجليّه
متحب غيرك بعد
تره هيه كلش ابيّه
بس صير انت زين وياهه و شوف
اذا تلكه مثلهه بهالزمن وفيه
تشيلك مثل ماي بالصينيّه
اني أحب العراقيه
مو لأن اني عراقي
لكن لأن بس هيّه التفتهم عليّه
واني شجاني و حبّيت أردنيّه
كل ربع ساعة و تتمقلج عليّه
ساعه تكلي شو انته ضعيف
و ساعه تكلي شو ما عندك شخصيّه
لِج بابه انتي شمفهمج شنو اني
انت ِ ماتفتهميني
انت ِ مو عراقيّه
عبالك راح أحب سوريّه
لا عيني لا
ما ريد وحده تتفيّك عليّه
كل شويه اتدزلي رساله:
دئّلي على الموبايل
مشان نحكي شويّه
يابه اني اريدن عراقيّه
اني اريد العين شيشه عسل
و اريد الشفه لون الورد ورديّه
واذا يمنه حلوه الاردنيّه
واذا كمر 14 السوريّه
بس منين اجيبلهن دمّ العراقيه
منو بيهن تكلك: بيّه ولا بيك
لو تكلك: هاك اشرب الجاي من اديّه
ربهن دينهن كالت الهدوم
و شوفلي البدي هذا حلو عليّه؟
وحدتهن تكول قالب ثلج
متذوب لو الفين مئويّه
او اذا كالت احبّك
من البرد يكومن يرجفن اديه
و 'اموت عليك'
بحلك العراقيه
عبالك نيزك من الشمس وكع عليه

ماكو مثل العراقيه
بعد شتريدون شفتوا شلون غزل خخخ

اتخبل عاشت ايدك يا مبدع على هل الشعر الروووووعة
وتبقى العراقية هي رفعة الراس
يثبت الموضوع

حبي مشكووووور عالتثبيت

مشكور علاء وردة على روعة ابداعاتك

وفعلآ يستاهل التثبيت

ولا تحرمنا من جديدك وردة

كن دائمآ كما انت مبدع

تحياتي لك

الكوسوفي

انشالله كلنا نبدع
لان
كلنا نحب
المنتدى

شكــــــــــــــــــــــــرا علاء
شعــــــــــــــر وابيات روووووووووعه
عاشت ايدكــــــــــــــــــــــــــــــــــــــــ
ويضل العراق رافع راسنه
تحياتـــــــــــــــــي