تسأليني احبج.. واسكت هواي
اليسكت بالعشكَ صدكــــيني مجبـــــور

يهل كَربج .. نفـــــــــس ..ويداعب الروح
ويهل اسمج وسط أوردتي منشـــــور

بعد عينج .. احس الدنيــــا تعذيب ..
وعلى اخلافج احسن حالي مكــــدور

اذا افكَد مكانج ... وانتي مو بيه ..
مثل نوح اليتــــامة .. بعتـــــبة كبور

أحس عيني تطيـــح وجفج وياي
واحس دمي اعله صوتج موكَد يفور

مثل حزني اعله بعدج .. حزن االاشجار ..
مثل كسر الغصن هم حالي مسكور

بعشكَ غيرج ابد ما ترضى العيون ..
اذا كّبالي يصفن معشــــر الحور

مسحوره الخلكَ ... كلمن على هواه ..
ومن يوم العرفتج حالي مسحور

ياكَاع المحبه .. التزهر اشواق ...
شما مرت عجاف مخضره متبور

لتسأليني احبج .. هاج افتحيـــــــه
اسمج عالكَلــــب يفلانـــــه محفــــــــــور

تسأليني احبج.. واسكت هواي
اليسكت بالعشكَ صدكــــيني مجبـــــور

يهل كَربج .. نفـــــــــس ..ويداعب الروح
ويهل اسمج وسط أوردتي منشـــــور

بعد لتثير حبك ماتهمنه
وبعد منهو بغرامك ماتهمنه
واذا مره ضحكنه مات همنه
لان شفاف طبعي ماسه لوني
وانه السليت ربعي ماسلوني
صرت هسه بحياتك ماسلوني
بعد ماريد اعاتبكم ولاسن
جبل حبك طلع تله ولا سن
عفت قانون كل عشكك ولا سن
لان دستور طبعي منهج اني
وبعد بس الملامه منه جاني
ولا همني اليدردم من هجاني
شتظنه يروم وصلك من تعله
وبعد منريد وصله من تعله
شعلك ياطبيبي منته عله
وتجازيني بعد كلبي وتسله
وظل اللعب عله جروحي وتسله
وعليش تخاف جر سيفك تسله
واخذ روحي اسيره ياهوانه
وبعد منريد وصلك ياهوانه
اللاكيك وتكلي ياهو انه
ابن حجام اكلك ما تهمنه