شاعر وأحاسيس متضاربه في حالات الحب .. فصدق الاحساس واعلان الحب ..
يرافقه الخوف والقلق من خسارة الحبيب ..
أو شعور ينتاب الاخر في لحظات أن هذا الحب مجرد نزوة عابرة تمر مرور الكرام..
ولكنها تترك أثر في النفس يحتاج الى وقت طويل للعلاج
كل هذا الخوف يتبعه خوف اكبر من هجران الحبيب ..
والمحصلة النهائية اسباب واعذار عليك أن تخلقها ومن ثم قبولها والاقتناع بها مجبراً
كل هذا واكثر ..تضمنت قصيدة الشاعر المبدع والمتألق ... محمد رحيمة الطائي ..
ولكــن كانت القوة في الاصرار على اعلان حالة الحب والاستمرار به
بغض النظر عن اي اعتبارات اخرى رغم كل الظنون والشكوك والهواجس التي تعتري الحبيب ..
الحب هو الدافع الوحيد لكل هذا الخوف ..
قصيدة رائعة من روائع الشاعر المبدع ..
جسد فيها صورة جميلة ورائعة لحالة من حالات الحب الصادق ..
في طياتها مخاطبة ورجاء للحبيب عسى ان يقلل من خوف الطرف الاخر ويقدم له وعداً بعدم خسارته ..
اسمحوا لي اليوم أن احمل اليكم هذه القصيدة وأضعها بين ايديكم ..
هذه المقدمة هي مجرد مناقشة لموضوع القصيدة.. فقط ..
لكــــــم كل الود والتقدير والاحترام ...
,,,,,,,,,,,,,,,,,,,,,,,,,,,,,,,,,,,,,
أخاف منك ..!
اخاف منك ..
أخاف تتغير عليَّ .. وبلحظه اخسرك ..؟
وأخاف تنغر ابجمالك ..؟
وأخاف يتحول رماد وياي جمرك ..؟
وأخاف يوم يمر عليًّ ..
واتشوفني .. ويزداد قهرك ..؟
واخاف نزوة وكت ..
واتعوف المحبة .. اشلون بعد اگدر أذًكرك ..
وانت حالف ماگلت كلمة حبيبي ..
يمكن اتخاف اني اعيرك ..؟
غرگتني ..
ابثگل شوگك ..
وابحر مجنون ، واتريد اني اعَبرك ..؟
والله گلبي ايخاف منك ..
يا صعب وشلون اگدرك ..؟
انت چلماتك طلاسم ..
منين اجيب الحيل حتى اگعد وافسرك ..
أخاااااااااااااف اخسرك ..
أخاف افرحك ..
واخاف من بعد الفرح ..
تتركلي مُرك ..!!
واخاف احزنك ..
واخاف من كثر الحزن ..
انطيك عذرك ..؟
تعوفني وعذرك اقبله ..
وخايف اشلون اگدر اتحمل واهجرك ..؟
أخاااااااااااااف اخسرك ..
واخاف گلبك مايحبني ..
واخاف انت اتورطت ..
وانطيت سرك ...
واخاف اني اتجاوزت ..
من گلت احبك ..
وانت مابينت امرك ..؟
واخاف كلشي ايصير ..
بس اني اعتقد ماطلع مني اللي يضرك ..
اني يمعود ظنوني ..
وياي تلعب ..
من كثر ماأجيب ذكرك ..
اني احبك ..
والله شتريد اعتبرني ..
طفل ، مجنون ، انتهازي ..
اشلون متحب اني اخيرك ..
المهم تنطيني كلمة ..
وماتخليني افكر .. يوم اخسرك ....
بس... أخاف أخسرك
موضوع: اخاف منك 
